Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot Zavodning ishlab chiqarish quvvatlari oshiriladi

Zavodning ishlab chiqarish quvvatlari oshiriladi

Navoiy kon-metallurgiya kombinati bo‘linmalarida investitsiya loyihalarni amalga oshirish, quvvatlarni oshirish, korxonalarni modernizatsiyalash ishlari bosqichma-bosqich amalga oshirilmoqda. 7-gidrometallurgiya zavodi quvvatlarini oshirish ana shunday loyihalardan biridir.  

7 сентября

Mazkur loyihaning birinchi bosqichi doirasida 1,2-tegirmonlar muddatidan oldin ishga tushirilishi natijasida joriy yilning o‘tgan davrida korxonada maʼdanni qayta ishlash rejasi ortig‘i bilan bajarildi. Zamonaviy texnologiyalarga asoslangan 7-GMZda murakkab jarayonlar orqali qayta ishlangan (texnogen) maʼdanlardan mahsulot olish yo‘lga qo‘yilib, ko‘zlangan samaradorlikka erishish taʼminlanmoqda. Zavodning kombinatning boshqa gidrometallurgiya zavodlaridan farqi shundaki, bu yerda qo‘llanilayotgan texnologiyalar evaziga qayta ishlangan maʼdandan yana qayta ishlab, mahsulot olish imkoniyati mavjud. Korxonada texnogen chiqindilardan mahsulot olinishi ekologik jihatdan barcha talablarga to‘la javob beradi. Eng muhimi, qayta ishlash jarayonida faqatgina mahalliy kimyoviy mahsulotlar ishlatiladi. Bu esa ichki bozorni o‘sishiga olib keladi, mahsulot tannarxini arzonlashtiradi.

7-gidrometallurgiya zavodini xomashyo bilan taʼminlash uchun "Caterpillar" firmasining 4 ta yukortgich va buldozerlaridan foydalanilmoqda. Bugungi kunda zavodda ishlatilayotgan ikkita tegirmonning har birida soatiga o‘rtacha 250 tonnadan 280 tonnagacha maʼdan qayta ishlanmoqda. Zavodning ikkinchi va uchinchi bosqichlarida bunday tegirmonlar sonini to‘rttaga yetkazish rejalashtirilgan. Korxona to‘la quvvat bilan ishga tushirilganidan keyin yiliga 15 mln tonna texnogen chiqindi qayta ishlanadi va mingdan ortiq yangi ish o‘rinlari yaratiladi.  

Yangi zavodni yosh, malakali kadrlar bilan taʼminlash ishlari allaqachon boshlab yuborilgan edi. Tanlangan mutaxassislar qisqa davrda o‘quv markazlarida qayta tayyorlandi, ishlab chiqarish tarmoqlarida malakalarini oshirdilar. Ayni paytda 480 nafar yosh mutaxassis ishga qabul qilinib, mehnat faoliyatlarini boshlab yuborishdi.

NKMK Matbuot markazi.

Jo‘rayev Abdumajid Irisovich

Matbuot markazi boshlig‘i – NKMK bosh direktorining matbuot kotibi – axborot siyosati masalalari bo‘yicha maslahatchisi.

+ (998 79) 2277-473

Sadriddinov Nizomiddin Xayriddinovich

“Konchilar hayoti” gazetasi muharriri.

+ (998 79) 2277-464

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot Zavodning ishlab chiqarish quvvatlari oshiriladi