Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Matbuot Butunjahon intellektual mulk tashkiloti NKMK ixtirochilarini oltin medal bilan taqdirladi

Butunjahon intellektual mulk tashkiloti NKMK ixtirochilarini oltin medal bilan taqdirladi

Biz Navoiy kon-metallurgiya kombinati jahonda o‘ziga xos nufuzga ega ekanligini hamisha faxrlanib gapiramiz. Yaqinda korxona mutaxassislarining konchilik sohasidagi bilim va malakasi, ulkan salohiyati xalqaro miqyosda yana bir bor e’tirof etildi. Kombinat olimlari va mutaxassislari murakkab tarkibli, qayta ishlash qiyin bo‘lgan rudalardan oltin ajratib olishning yangi texnologiyasini yaratganliklari uchun Butunjahon intellektual mulk tashkilotining «Eng yaxshi ixtirochi» oltin medaliga sazovor bo‘ldilar.

Birlashgan Millatlar Tashkiloti ta’sis etgan va samarali ilmiy izlanishlarni qator mukofotlar bilan taqdirlab kelayotgan bu tashkilotga O‘zbekiston bilan birga 189 ta davlat a’zo bo‘lgan. Mukofotlar darajasi naqadar yuqori ekanligini shundan ham bilsa bo‘ladiki, bitta mukofot yilida bir marta va hatto bir necha yilda bir marta beriladi.

Respublikamizning taniqli olimlari va amaliyotchilaridan iborat komissiya kombinatda yaratilgan ixtiro ishlab chiqarishga tadbiq etilib, mamlakat iqtisodiga qo‘shayotgan hissasini hisobga olib, shunday yuksak mukofotga tavsiya etdi. Butunjahon intellektual mulk tashkilotining hay’at a’zolari Navoiy kon-metallurgiya kombinatiga «Eng yaxshi ixtirochi» oltin medalini berishni yakdillik bilan qo‘llab-quvvatladilar. Kombinat bosh direktori, O‘zbekiston Qahramoni Quvondiq Sanaqulov rahbarligida muhim ixtironi yaratib, O‘zbekiston shuhratini olamga yoygan hamkasblarimizning nomlarini iftixor bilan ta’kidlasak arziydi. Ular orasida Markaziy kon boshqarmasi direktori Otabek Mustaqimov, SHimoliy kon boshqarmasi direktori Yuriy Zolotaryov, Markaziy ilmiy-tadqiqot laboratoriyasi boshlig‘i Olga Vasilyonok, Shimoliy kon boshqarmasi bosh texnologi Ulug‘bek Ergashev, 3-sonli gidrometallurgiya zavodi bosh muhandisi Shuhrat Narbadalov, kombinat boshqarmasi texnik nazorat xizmati boshlig‘i Baxtiyor Xolmurodov, Markaziy ilmiy-tadqiqot laboratoriyasi laboratoriya boshlig‘i Oleg Petuxov, Navoiy davlat konchilik instituti metallurgiya kafedrasi mudiri Abdurashid Hasanov, kombinat boshqarmasi oltin ishlab chiqarish texnologiyasi bo‘limi boshlig‘i o‘rinbosari Aleksandr Xvan va boshqalar bor. Xalqaro ahamiyatdagi «Eng yaxshi ixtirochi» oltin medalining konchilik va metallurgiya sanoati xodimlari bayrami shodiyonalari nishonlangan tantanali yig‘ilishda egalariga topshirilishida esa chuqur mazmun mujassam. SHubha yo‘qki, kombinatimizning jahonda bunday yuksak e’tirof etilishi barchamizni behad quvontiradi va ertangi kunimizga ishonchimizni yanada oshiradi.

Mukofotlanganlarni chin qalbdan muborakbod etamiz!

Ta'sis etuvchi - NKMK mehnat jamoasi

Gazeta materiallarini to’la yoki qisman qaytadan bosish tahririyatning yozma ruxsati bilan amalga oshiriladi. Tahririyatga kelgan qo’l yozmalar taqriz qilinmaydi va muallifga qaytarilmaydi. Gazeta NKMK bo’linmalari orasida tarqatiladi. 

Gazeta Navoiy viloyat matbuot va axborot boshqarmasida 2006 yil 21 dekabrda 07-025 raqam bilan ro’yxatga olingan.
MUHARRIR

Sadriddinov Nizomiddin Xayriddinovich 

- matbuot markazi boshlig’i.
TAHRIRIYAT MANZILI : 210100, Navoiy shahri, Navoiy ko’chasi 27, NKMK boshqarmasi. 
TELEFONLAR: : 77-464 (muharrir), 77-363 (texn. muharrir), 77-366, 77-464 (matbuot markazi), 77-566 (faks).

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Matbuot Butunjahon intellektual mulk tashkiloti NKMK ixtirochilarini oltin medal bilan taqdirladi