Система Orphus

Shriftning o'lchamini

Qarama-qarshilik

        
Siz bu yerdasiz: Bosh sahifa Ishlab chiqarish Oltin ishlab chiqarish

Oltin ishlab chiqarish

NKMKda oltin qazib olish Markaziy, Shimoliy, Janubiy kon boshqarmalari va “1-GMZ” kon boshqarmasidagi konlarda amalga oshiriladi.

Markaziy kon boshqarmasi: 

- “Muruntov” koni

- “Oltinni uyumda ishqorlash tsexi” koni

- “Auminzo-Amantoy” koni

Shimoliy kon boshqarmasi: 

- “Sharqiy” koni

- “Dovg‘iztov” koni

Janubiy kon boshqarmasi: 

- “Zarmitan” koni

- “G‘ujumsoy” koni

- “Marjonbuloq” koni

 “1-GMZ” kon boshqarmasi: 

- “Aristantov” koni

Qazib olingan tarkibida oltin bo‘lgan ma’dan gidrometallurgiya zavodlarida qayta ishlanadi: 

- Markaziy kon boshqarmasidagi 2-gidrometallurgiya zavodi (2-GMZ)

- Markaziy kon boshqarmasidagi 7-gidrometallurgiya zavodi (7-GMZ)

- Shimoliy kon boshqarmasidagi 3-gidrometallurgiya zavodi (3-GMZ)

- Janubiy kon boshqarmasidagi 4-gidrometallurgiya zavodi (4-GMZ)

- “1-GMZ” kon boshqarmasidagi 1-gidrometallurgiya zavodi (1-GMZ)

NKMK bo‘linmalarida oltin ma’danini qazib olish va qayta ishlash bo‘yicha yangi quvvatlarni barpo etish bilan bir qatorda amaldagi gidrometallurgiya zavodlarini kengaytirish, rekonstruksiya qilish va texnik qayta jihozlashga qaratilgan yirik investitsiya loyihalari bosqichma-bosqich amalga oshirilyapti.  

2-GMZ ishlab chiqarish ko‘rsatkichlari bo‘yicha kombinatning eng yirik va etakchi gidrometallurgiya zavodi hisoblanadi. Mazkur korxonada tarkibida qimmatbaho metall bo‘lgan ma’danni maydalashdan boshlab, undan tayyor mahsulot ajratib olib, oliy sifatli quyma oltin hosil qilishgacha bo‘lgan texnologik jarayonlar to‘liq amalga oshiriladi. 2020 yilda 2-GMZ qayta ishlash quvvatlarini kengaytirish bo‘yicha investitsiya loyihasi doirasida 29,  30-tegirmon bloklari ishga tushirildi, shuningdek, tayyor mahsulot tsexi negizida oltin va kumushdan o‘lchovli quymalar ishlab chiqarish bo‘yicha zamonaviy yuqori texnologiyalarga asoslangan majmua foydalanishga topshirildi. 2020 yilda zavodda 47 million tonna rudani qayta ishlash mo‘ljallanmoqda.  

7-GMZ – kombinatning yana bir yirik korxonalaridan biri. Uning kombinatning boshqa gidrometallurgiya zavodlaridan farqi shundaki,  bu erda qo‘llanilayotgan texnologiyalar evaziga qayta ishlangan ma’dandan (texnogen chiqindidan) yana qayta ishlab, mahsulot olish imkoniyati mavjud. 2020 yilda 7-GMZ quvvatlarini oshirishga qaratilgan investitsiya loyihasining birinchi va ikkinchi bosqichi doirasida 4 ta tegirmon bloklari ishga tushirildi. Zavod to‘la quvvat bilan ishga tushirilganidan keyin yiliga 15 mln tonna texnogen chiqindi qayta ishlanadi.            

2019 yilda 3-GMZda yuqori texnologiyalarga asoslangan majmua – filtrlash, quritish va kuydirish tsexi foydalanishga topshirildi.  Germaniyaning “Engineering Dobersek”  kompaniyasi bilan hamkorlikda barpo etilgan majmua “Ko‘kpatas” va “Dovg‘istov” konlarining tarkibida oltin bo‘lgan sulfidli ma’danlarini qayta ishlash texnologiyasini takomillashtirishga qaratilgan. O‘zining ilg‘or muhandislik-texnik echimlari, texnologik jihozlanish darajasiga ko‘ra bu majmua dunyoda noyobdir. 

2017 yilda Markaziy kon boshqarmasi “Auminzo-Amantoy” oltin koni negizida 5-gidrometallurgiya zavodini barpo etishga qaratilgan investitsiya loyihasi amalga oshirila boshlandi.  Ayni paytda mazkur ob’ektda qurilish ishlari davom etmoqda. Zavodning birinchi bosqichi foydalanishga topshirilgandan so‘ng 2 mln tonna sulfidli ma’danni qayta ishlash rejalashtirilgan. Korxona to‘la quvvat bilan ishga tushirilgach 5-GMZda yiliga 5 mln tonna ma’dan qayta ishlanadi.    

2019 yilda London oltin quymalari bozori assotsiatsiyasi (LBMA – London Bullion Market Association) tomonidan Navoiy kon-metallurgiya kombinatiga bozor talablariga to‘la rioya qilish borasida navbatdagi test sinovlaridan muvaffaqiyatli o‘tganligini tasdiqlovchi sertifikat taqdim etildi.

2017 yilda O‘zbekiston Respublikasi kon-metallurgiya sanoati tarixida ilk marotaba Navoiy kon-metallurgiya kombinati mutaxassislari murakkab tarkibli, qayta ishlash qiyin bo‘lgan rudalardan oltin ajratib olishning yangi texnologiyasini yaratganliklari uchun Birlashgan Millatlar Tashkiloti Butunjahon intellektual mulk tashkilotining Oltin medaliga sazovor bo‘lishdi.

2017 yilda NKMK oltin kategoriyasida sifatni boshqarish tizimidagi yutuqlarni saqlab turish va takomillashtirish ishlariga qat’iy rioya qilib kelayotganligi uchun Yovropa Sifat Tadqiqotlari Jamiyatining mukofotiga munosib ko‘rildi.

Biz bilan bog'lanish

  • Umumiy bo‘limi (devonxona): 0(436) 227-71-64, +998 79 227-71-64
  • Ishonch telefoni: 0(436) 227-72-22, +998 79 227-72-22

    Mualliflik huquqi © NKMK, 2015. Barcha huquqlar himoyalangan.   

Axborotdan foydalanish shartlari

Siz bu yerdasiz: Bosh sahifa Ishlab chiqarish Oltin ishlab chiqarish