Ba’zi internet nashrlari (jumladan «Harakat», RIA «Novosti», IA «Regnum») tomonidan Navoiy kon-metallurgiya kombinati bosh direktori Quvondiq Sanaqulovga nisbatan jinoiy ish qo‘zg‘atilganligi haqida tarqatilgan xabar mutlaqo noto‘g‘ridir.
Shu munosabat bilan NКMК matbuot markazi bunday ta’kidlar uchun hech qanday asos yo‘qligini, bu xabarni korxona rahbariyatini obro‘sizlantirishga qaratilgan to‘hmat yoki ba’zi shaxslarning g‘arazli maqsadlari ko‘zlangan harakat deb qaralishi to‘g‘risida rasman ma’lum qiladi.
Q. Sanaqulov Navoiy kon-metallurgiya kombinati rahbari sifatida ishni davom ettirmoqda.
Shuningdek, u O‘zbekiston Respublikasi Oliy Majlisi Senati a’zosidir.
O‘zbekiston Respublikasi mustaqilligining 20 yilligi munosabati bilan Q.Sanaqulov yuksak Davlat mukofoti – “Fidokorona xizmatlari uchun” ordeni bilan taqdirlangan.
Navoiy kon-metallurgiya
kombinati matbuot markazi.

Navoiy kon-metallurgiya kombinati O'zbekistonda mamlakat iqtisodiyoti sohalari uchun rang-barang mahsulotlar ishlab chiqaradigan ko'p tarmoqli korxona sifatida mashhur.

Navoiy kon-metallurgiya kombinati mehnat jamoasining gazetasi 1991 yildan buyon nashr etilmoqda.