Mahsulot

Qurilish-montaj ishlari sifatini nazorat qilish, qurilish materiallarini sinovdan o‘tkazish, shuningdek, mavjud buzilishlarni o‘z vaqtida bartaraf etish va qurilish ishlari ishlab chiqarish jarayonida sifatni tasdiqlash maqsadida 1965-yilning yanvar oyida NKMK Zarafshon qurilish boshqarmasida Markaziy qurilish laboratoriyasi tashkil etilgan edi.

Bugungi kunda “NKMK” AJ Zarafshon qurilish boshqarmasi Markaziy qurilish laboratoriyasi kombinat obyektlarini qurish jarayonida qurilish-montaj ishlari sifatini nazorat qiladi, akkreditatsiya sohasiga muvofiq sinovlarni o‘tkazadi va ishlab chiqarish nazorati dasturlariga muvofiq mahsulotlar nazoratini amalga oshiradi, yuridik shaxslarga laboratoriya xizmatlarini taqdim etadi.

“Navoiy mashinasozlik zavodi” ishlab chiqarish birlashmasi kon-shaxta va nostandart uskunalar, metall konstruksiyalar, dastgohlar, yo‘l-qurilish texnikasi va boshqalarni ishlab chiqarish va ta’mirlash bo‘yicha keng ko‘lamli xizmatlar ko‘rsatadi.

Korxona uskunalarni ishlab chiqarishning to‘liq siklini amalga oshirish uchun mashinasozlikning texnologik yo‘nalishlari va ta’minot xizmatlarining to‘liq to‘plamiga ega - quyishdan tayyor texnologik liniyalarni yig‘ishgacha.