Tez-tez beriladigan savollar
1. Men oliy ta’lim muassasasi talabasiman, sirtqi ta’limda o‘qiyman, qandau qilib yo‘nalishim bo‘yicha ishga kirsam bo‘ladi?
Talaba maqomi to‘liq oliy ma’lumotga ega mutaxassis hisoblanmaydi. Mavjud bo‘sh ish o‘rni talablariga muvofiq ishga qabul qilish uchun nomzod to‘liq tamomlangan oliy ta’lim muassasasi yoki o‘rta maxsus kasb yo‘nalishi bo‘yicha diplomiga, shuningdek, muayyan kasb yoki yo‘nalish bo‘yicha guvohnomaga ega bo‘lishi lozim.
2. Men ishga kirish maqsadida bo‘sh ish o‘rinlariga hujjatlarimni qo‘lda olib borib kadrlar bo‘limi yoki boshqa mas’ul xodimlarga topshirsam bo‘ladimi?
“NKMK” AJda ishga qabul qilish jarayonida tanish-bilishchilik va mahalliychilikning oldini olish, nomzodlarning kasbiy ma’lumoti, tajribasi hamda bilim darajasiga xolisona baho berish, shuningdek, shaffoflik, ochiqlik va adolatlilik tamoyillariga qat’iy rioya etish maqsadida bo‘sh ish o‘rinlari internet tarmog‘ida e’lon qilinadi. Shu maqsadda mehnat.ngmk.uz sayti ishga tushirilgan bo‘lib, hujjatlar faqat ushbu sayt orqali qabul qilinadi.
3. mehnat.ngmk.uz saytida hujjatlarimni topshira olmayapman, nima uchun qabul qilinmayapti?
mehnat.ngmk.uz sayti hujjatlarni sun’iy intellekt asosida avtomatik tarzda qabul qilish va to‘g‘ri taqsimlashga moslashtirilgan. Shu sababli, saytda belgilangan talablarga muvofiq ravishda barcha so‘ralgan hujjatlar yuklanishi lozim. Agar belgilangan hujjat o‘rniga boshqa turdagi hujjat (masalan, pasport o‘rniga haydovchilik guvohnomasi yoki boshqa hujjat) yuklansa, tizim tomonidan hujjat qabul qilinmaydi.
4. Men mehnat.ngmk.uz saytida ro‘yxatdan o‘tolmayapman, telefonimga SMS-kod kelmayapti, nima qilishim kerak?
Agarda SMS-kod telefon raqamingizga kelmasa “NKMK” AJning dasturchilariga 79-227-72-48 raqami orqali murojaat qilishingiz mumkin.
5. Men mehnat.ngmk.uz saytida hujjat topshirgan edim, menga rad javobi keldi, buning sababi nimada?
Har bir vakant bo‘sh ish o‘rinlariga o‘zining malaka talablari qo‘yiladi. Agarda sizga rad javobi kelgan bo‘lsa, demak sizning hujjatlaringiz ushbu lavozimga qo‘yilgan malaka talablariga mos kelmagan.
6. Menga mehnat.ngmk.uz saytida hujjat topshirgan lavozim bo‘yicha “hujjatingiz qabul qilindi, siz bilan mutaxassislarimiz bog‘lanishadi” - degan javob keldi, lekin haligacha telefon bo‘lmadi, buning sababi nimada?
Birinchi o‘rinda “NKMK” AJ mutaxassislari tomonidan tanlov o‘tkaziladigan kun haqida xabar berish bo‘yicha telefon yoki SMS orqali ma’lum qilinadi. Shu bilan bir qatorda “NKMK” AJ Telegram kanalida e’lon qilinadi. Agarda ushbu holatlar bo‘lmagan taqdirda, ishlab chiqarish zaruriyati sababiga ko‘ra tanlov o‘tkazish kuni kechiktirilayotgan bo‘lishi mumkin.
7. Jamiyat faoliyatida korrupsiyaga qarshi kurashishga oid ichki idoraviy hujjatlar bilan qanday tanishishi mumkin?
Jamiyatning rasmiy veb-sayti orqali ichki idoraviy hujjatlar bilan tanishish imkoniyati yaratilgan.
8. Korrupsiya, ochiqlik va monopoliyaga oid harakatlar to‘g‘risida ma’lumotlar aniqlanganda qanday tartibda xabar berish mumkin?
Korrupsiya, ochiqlik va monopoliyaga oid harakatlar to‘g‘risidagi xabarlar quyidagi aloqa kanallaridan yuborilishi mumkin:
Jamiyatning rasmiy veb-sayti orqali (https://www.ngmk.uz/);
ijtimoiy tarmoqlardagi sahifalari orqali
(https://twitter.com/jsc_nmmc, https://www.facebook.com/nkmkofficial,
https://www.instagram.com/nkmk.official, https://www.linkedin.com/company/jsc-nmmc,
https://www.youtube.com/nkmkofficial)
telegram-bot kanali orqali (https://t.me/nkmk_murojaat_bot);
Jamiyatning ishonch telefon raqamlari orqali (79-227-72-22, rasmiy
veb-saytga joylashtirilgan Komplayens xizmati xodimlarining xizmat telefon raqamlari);
Jamiyatning elektron pochta manzillari orqali (info@ngmk.uz, nkmk@exat.uz, rasmiy veb-saytga joylashtirilgan Komplayens xizmati xodimlarining elektron pochta manzillari);
Jamiyatga og‘zaki, yozma yoxud elektron shaklda (shaxsan) murojaat qilish orqali;
Komplayens xizmatining mas’ullariga shaxsan murojaat qilish orqali;
huquqni muhofaza qiluvchi organlar orqali;
boshqa aloqa kanallari orqali.
9. Elektron murojaat yuborish imkoniyati bormi?
“Navoiy kon-metallurgiya kombinati” aksiyadorlik jamiyatiga VIRTUAL QABULXONA orqali murojaat qilishingiz mumkin.
Murojaatni yuborish uchun virtual qabulxona manzili
Shuningdek, “NKMK” AJga Telegram messenjerda maxsus bot https://t.me/nkmk_murojaat_bot orqali murojaat qilishingiz mumkin.
Murojaatni yuborish uchun Telegram bot manzili
https://t.me/nkmk_murojaat_bot
10. Kombinatning ijtimoiy tarmoqlardagi sahifalari mavjudmi?
“NKMK” AJning ijtimoiy tarmoqlardagi sahifalari:
Telegram https://t.me/ngmkofficial
Facebook https://www.facebook.com/nkmkofficial
Instagram https://www.instagram.com/nkmk.official
Youtube https://www.youtube.com/nkmkofficial
Twitter https://twitter.com/jsc_nmmc
LinkedIn: https://www.linkedin.com/company/jsc-nmmc
11. Kombinatda ish jadvali qanday?
Ish kuni dushanbadan jumagacha, soat 08:00 dan 17:00 gacha davom etadi.
Smena jadvali Siz murojaat qilayotgan lavozimga bog'liq. Batafsil ma'lumotni suhbat davomida olishingiz mumkin.
12. Kombinatda ishchi-xodimlar o'qitiladimi?
Ehtiyoj doirasida "NKMK" AJda asosiy kasblar bo‘yicha ishchi-xodimlarni tayyorlash, qayta tayyorlash va malakasini oshirish amalga oshiriladi.
13. “NKMK” AJda ishlab oliy ma’lumotga ega bo‘lmoqchiman. Bir vaqtning o'zida o'qish va ishlash mumkinmi?
Hozirda kombinat ishchisi bo'lib, ayni paytda oliy ma'lumotga ega bo'lish mumkin. Siz tegishli yo'nalish bo'yicha oliy o‘quv yurtlarining sirtqi va kechki bo'limlariga umumiy tartibda ro'yxatdan o'tishingiz mumkin. Buning uchun Siz oliy o‘quv yurtlarining qabul komissiyasiga tegishli hujjatlarni topshirib, test sinovlaridan o‘tishingiz mumkin. Hujjatlarni topshirish muddati 15-iyundan 15-iyulgacha.
14. “NKMK” AJga ishga qabul qilish tartibi qanday?
15. “NKMK” AJ rahbariyati qabuliga qanday yozdirish mumkin?
“NKMK” AJ rahbariyati nomiga murojaat etish uchun Siz info@ngmk.uz elektron manzili orqali yoki Navoiy shahar, Navoiy ko‘chasi, 27-uy manzili bo‘yicha yozma murojaat qilishingiz mumkin, yoki “NKMK” AJ Boshqarmasining markaziy nazorat o‘tish punkitida yozma murojaat qoldirishingiz mumkin. “Navoiy kon-metallurgiya kombinati” aksiyadorlik jamiyati rahbariyatining 2026-yil uchun jismoniy shaxslar va yuridik shaxslar vakillarini qabul qilish jadvali haqida batafsil ma’lumot bilan https://www.ngmk.uz/uz/contacts/ havola orqali tanishishingiz mumkin.
16. “NKMK” AJ faoliyatida ochiqlikni taʼminlash, jamoatchilik fikrini o‘rganish bo‘yicha onlayn so‘rovnoma mavjudmi?
“Navoiy kon-metallurgiya kombinati” AJ faoliyatida ochiqlikni taʼminlash, jamoatchilik fikrini o‘rganish bo‘yicha onlayn so‘rovnomadan quyidagi havola orqali o‘tish mumkin.