Mamlakatimizda raqamli iqtisodiyotni rivojlantirish, barcha tarmoqlar va sohalarda zamonaviy axborot-kommunikatsiya texnologiyalarini keng joriy etish maqsadida “Raqamli O‘zbekiston – 2030” strategiyasi izchil amalga oshirilmoqda.

Mazkur strategiya doirasida “Navoiy kon-metallurgiya kombinati” aksiyadorlik jamiyatida raqamli texnologiyalarni joriy etish borasidagi loyihalar bilan yaqindan tanishish maqsadida O‘zbekiston Respublikasi Axborot texnologiyalari va kommunikatsiyalarini rivojlantirish vaziri Sherzod Shermatov boshchiligidagi delegatsiya 13-oktabr kuni kombinatga tashrif buyurdi.

Kombinat boshqarmasida delegatsiya aʼzolari ishtirokida NKMKda ishlab chiqarishni raqamlashtirish bo‘yicha taqdimot bo‘lib o‘tdi. Taqdimotda kombinatning masʼul rahbar va mutaxassislari bu borada olib borilayotgan ishlar haqida batafsil maʼlumot berdilar.

Delegatsiya kunning ikkinchi yarimida Shimoliy kon boshqarmasi “Dovgiztov” koni, Markaziy kon boshqarmasi 2, 5-gidrometallurgiya zavodlari, Avtomobil transporti boshqarmasi, “Muruntov” konida bo‘lib, mazkur bo‘linmalarda raqamli texnologiyalarning qo‘llanilishi va ishlab chiqarishni avtomatlashtirish tizimlari bilan tanishadi.

“NKMK” AJ Matbuot xizmati.