“1-GMZ” kon boshqarmasida kombinat ishchi-xodimlariga korrupsiyaga qarshi kurashish bo‘yicha qabul qilingan normativ-huquqiy hujjatlar, shu jumladan “NKMK” AJ xodimlarining Odob-axloq kodeksining mazmun-mohiyatini tushuntirishga bag‘ishlangan uchrashuv o‘tkazildi.

Uchrashuvda “1-GMZ” kon boshqarmasi rahbar va mutaxassislari, “NKMK” AJ Komplayens xizmati vakillari ishtirok etdilar.

Tadbirda so‘zga chiqqan Komplayens xizmati vakillari kombinat tizimida korrupsiyaga qarshi kurashish sohasida olib borilgan o‘zgarishlar, huquqbuzarlikka qarshi kurash, qonunchilikdagi so‘ngi yangiliklar, Odob-ahloq kodeksining asosiy tamoyillari va qoidalari, yoshlar va ishchi-xodimlar oldida turgan vazifalarga to‘xtalib o‘tdilar.

Bunday uchrashuvdan ko‘zlangan asosiy maqsad korrupsiyaga qarshi kurashish yo‘nalishida kombinat xodimlarining huquqiy savodxonligi va bilimlarini oshirishdan iboratdir.

“NKMK” AJ Matbuot xizmati.