18-fevral kuni Oliy taʼlim, fan va innovatsiyalar vazirligida O‘zbekiston Respublikasi Prezidentining 2022-yil 12-dekabrdagi farmoni bilan turli darajadagi Davlat mukofotlari bilan taqdirlangan yurtdoshlarimizga mukofotlarni topshirish marosimi bo‘lib o‘tdi.

photo_2023-02-18_12-08-34

Bu mukofotlar bir guruh turli soha vakillariga mamlakatimiz ilm-fani, adabiyoti va sanʼatini rivojlantirishga qo‘shgan salmoqli hissasi, jamiyatimizning ijtimoiy-iqtisodiy, ilmiy-texnik va maʼnaviy-maʼrifiy hayotida alohida eʼtiborga sazovor bo‘lgan, xalqaro miqyosda eʼtirof etilgan fundamental tadqiqotlari, zamon talablariga javob beradigan yuksak, mazmunan dolzarb ijodiy ishlari uchun berilgan edi.

Taqdirlanganlar orasida “Navoiy kon-metallurgiya kombinati” aksiyadorlik jamiyati mutaxassislari Quvondiq Sanaqulov, Nikolay Snitka, Rustamjon Usmonov, Ulug‘bek Ergashev, Otabek Mustaqimovlar ham borligi quvonarlidir. Ularning “Texnologik va ishlanishi murakkab bo‘lgan oltin tarkibli maʼdanlarni qayta ishlash va o‘zlashtirishning kompleks texnologiyalarini ishlab chiqish va joriy etish” bo‘yicha ilmiy-amaliy ishlanmasi fan va texnika sohasida birinchi darajali Davlat mukofotiga sazovor bo‘lgan.

Hamkasblarimizni ushbu yuksak mukofot bilan chin qalbdan tabriklaymiz!

“NKMK” AJ Matbuot xizmati.