Kanadaning Kitco xalqaro tahliliy markazi 2022-yilda dunyodagi Top-10 ta eng yirik konlar ro‘yxatini eʼlon qildi. Mazkur ro‘yxatga ko‘ra, “Muruntov” koni o‘tgan yilda oltin qazib olish bo‘yicha dunyoda yetakchilardan biri bo‘ldi.

Eslatib o‘tamiz, “Muruntov” koni 2020 va 2021-yillarda ham oltin qazib olish bo‘yicha dunyoda yetakchilik qilgani Kitco xalqaro tahliliy markazi tomonidan eʼtirof etilgan edi.

Bugungi kunda “Muruntov” konining uzunligi 4,3 kilometr, kengligi 3,2 kilometr, chuqurligi 650 metrni tashkil etadi. Kondan yiliga 50 million tonnadan ortiq maʼdan qazib olinmoqda. Hozirda konda 2,6 ming nafardan ortiq ishchi-xodimlar ishlab kelmoqda. “Muruntov” koni geologlar tomonidan oltin zaxirasiga ega eng yirik kon sifatida eʼtirof etilib, uning zaxirasi 4,5 ming tonnadan ortiq baholangan. Konni o‘zlashtirishning V navbati kelgusida kon chuqurligini 1050 metrgacha yetkazish imkonini beradi.

“NKMK” AJ matbuot xizmati.