21-iyun kuni Toshkent shahrida O‘zbekiston Respublikasi Tog‘-kon sanoati va geologiya vazirligi tomonidan Jahon banki hamda Iqtisodiyot va moliya vazirligi bilan hamkorlikda Tog‘-kon va metallurgiya sanoatini rivojlantirish konferensiyasi (Mining and Metall Industry Development Conference) o‘tkazildi.

Mazkur xalqaro konferensiyada xorijiy mamlakatlar hukumat vakillari, tog‘-kon sanoatining yetakchi korxonalari, xalkaro moliya institutlar vakillari va investorlar ishtirok etdi.

Konferensiyada “Geologiya-qidiruv ishlari va integratsiya”, “Qonunchilik, atrof-muhit, ijtimoiy va korporativ boshqaruv (ESG) va barqaror ishlab chikarish”, “Tog‘-kon sanoati tendensiyalari”, “Tog‘-kon sanoatidan yashil energetikaga” yo‘nalishlar bo‘yicha panel sessiyalari tashkil etildi.

photo_2023-06-21_13-19-04

Panel sessiyalari muhokamalarida “Navoiy kon-metallurgiya kombinati” aksiyadorlik jamiyati vakillari ham qatnashdi. Jumladan, konferensiyaning “Tog-kon sanoati tendensiyalari” yo‘nalishidagi panel sessiyasida “NKMK” AJ bosh direktorining transformatsiya masalalari bo‘yicha birinchi o‘rinbosari, boshqaruv aʼzosi Yevgeniy Antonov kombinatning 2030-yilgacha rivojlanish strategiyasi to‘g‘risida maʼruza qildi. Shuningdek, “Geologiya-qidiruv ishlari va integratsiya” yo‘nalishidagi panel sessiyada “NKMK” AJ bo‘lim boshlig‘i Mirzo Isayev kombinatning geologiya-qidiruv strategiyasi mavzusida maʼruza qildi.

photo_2023-06-21_13-19-09

photo_2023-06-21_13-19-28

Kombinat vakillarining chiqishlarida korxonada amalga oshirilayotgan keng ko‘lamli transformatsiyasi, xalqaro talablar va standartlarga muvofiq mineral resurslarni boshqarish, raqamli yechimlar yordamida ishlab chiqarish jarayonlari samaradorligini oshirish kabi masalalar muhokama etildi.

“NKMK” AJ Matbuot xizmati.