26-avgust kuni Navoiy shahridagi “Yoshlik” ko‘lida O‘zbekiston Respublikasi davlat mustaqilligining 32 yilligi munosabati bilan “Navoiy kon-metallurgiya kombinati” AJ, “Navoiyuran” DK, “NKMK jamg‘armasi” DM ishchi-xodimlari o‘rtasida tashkil etilgan OMMAVIY YUGURISH MARAFONI o’tkazildi.

Sport musobaqasida “NKMK” AJ “1-GMZ” kon boshqarmasi xodimi Rustam Aliqulоv 35 yoshgacha bo’lgan erkaklar o’rtasida birinchi o’rinni qo’lga kiritgan bo’lsa, 3-avtobaza ishchisi Nodir Mamadiyorov 35 yoshdan yuqori bo’lgan erkaklar o’rtasida g’oliblikni qo’lga kiritdi. Shuningdek, “1-GMZ” kon boshqarmasi ishchisi Dilshod Vafoyev, Markaziy ilmiy-tadqiqot laboratoritasi xodimlari Sevara Yusupova va Marjona Mahkamova, Ishlab chiqarishni avtomatlashtirish boshqarmasi ishchisi Zafar Ro’zimurodov hamda Geologiya-qidiruv ekspedisiyasi vakili Sherzod Toshpo’latovlar faxrli ikkinchi va uchinchi o’rinlarni band etdilar.

photo_2023-08-26_10-59-50

Marafon g‘olib va sovrindorlariga qimmatbaho sovg‘alar topshirildi.

“NKMK” AJ Matbuot xizmati.