Oldin xabar berganimizdek, 1-3-oktabr kunlari Navoiy shahrida “NKMK” AJ rahbariyati, kon boshqarmalari rahbarlari, kombinat boshqarma va bo‘limlari boshliqlari uchun kon-metallurgiya korxonasining strategik boshqaruvi, strategiyani ishlab chiqish va amalga oshirish asoslari bo‘yicha nazariy va uslubiy bilimlar kompleksini shakllantirishga qaratilgan o‘quv bo‘lib o‘tdi.

Ushbu o‘quv M.Lomonosov nomidagi Moskva davlat universitetining Murakkab tizimlar matematik tadqiqotlari instituti Strategik tadqiqotlar markazi vakillari tomonidan o‘tkazildi.

Kon-metallurgiya korxonasining strategik boshqaruvi bo‘yicha ushbu o‘quv dasturining dolzarbligi O‘zbekiston konchilik sanoatini rivojlantirishning umumiy strategiyasiga muvofiq “NKMK” AJning uzoq muddatli rivojlanishini shakllantirishda muhim ahamiyat kasb etadi.

031020233

Mazkur o‘quv doirasida kombinat rahbariyati va Strategik tadqiqotlar markazi o‘rtasida Navoiy davlat konchilik va texnologiyalar universiteti negizida strategik boshqaruvni joriy etishga qaratilgan qator o‘quv loyihalarini rivojlantirish bo‘yicha kelishuvga erishildi. Xususan, tomonlar sanoat strategiyasi kafedrasini tashkil etish to‘g‘risida kelishuv imzoladilar.

031020232

O‘quv dasturi yakunlari bo‘yicha davra suhbati o‘tkazilib, unda tadbir ishtirokchilari Navoiy kon-metallurgiya kombinati misolida o‘rganilgan materialni qo‘llash imkoniyatlarini muhokama qildilar.

“NKMK” AJ Matbuot xizmati.