Navoiy kon-metallurgiya kombinati bo‘linmalarida favqulodda vaziyatlar xizmatlari tomonidan tabiiy va texnogen tusdagi favqulodda vaziyatlarni bartaraf etishga bag‘ishlangan maxsus-taktik mashg‘ulotlari muntazam ravishda o‘tkazilmoqda.

Jumladan, 2-gidrometallurgiya zavodida “Zilzila oqibatida yuzaga kelgan favqulodda vaziyatlarning ikkilamchi omillarida obyekt fuqaro muhofazasi tuzilmalari va hududiy maxsus qutqaruv tuzilmalari boshqaruv organlarining harakatlari” mavzusida maxsus-taktik o‘quv mashqi bo‘lib o‘tdi. Taʼkidlash kerakki, mazkur yo‘nalishdagi ishlarni muvofiqlashtirishda O‘zbekiston Respublikasi Prezidentining 2022-yil 30-maydagi “O‘zbekiston Respublikasining seysmik xavfsizligini taʼminlash tizimini yana-da takomillashtirish chora-tadbirlari to‘g‘risida”gi Farmoni muhim dasturamal bo‘ldi.

281120232 (1)

Ushbu o‘quv mashqining maqsadi – favqulodda vaziyatlarning oldini olish va ular sodir bo‘lganda harakat qilish bo‘yicha ishlab chiqilgan rejani tekshirish, obyekt fuqaro muhofazasi tuzilmasi 71 nafardan iborat shaxsiy tarkibi va 8 ta texnika harakati, masʼullar bilimlarini oshirish hamda ularda amaliy ko‘nikmalar hosil qilishdan iboratdir.

Bunday tadbir kombinat bo‘linmalarida davom etmoqda.

“NKMK” AJ Favqulodda vaziyatlar bo‘limi.