Mamlakatimizning yirik sanoat korxonalari va mahalliy ishlab chiqaruvchilar o‘rtasida tarmoqlararo sanoat kooperatsiyasi aloqalarini yana-da kengaytirish maqsadida, joriy yilning 12-15-dekabr kunlari Toshkent shahridagi “O‘zekspomarkazi”da Respublika tarmoqlararo sanoat yarmarkasi o‘tkazildi.

Mazkur yarmarkada “Navoiy kon-metallurgiya kombinati” aksiyadorlik jamiyati 120 dan ortiq o‘z mahsulotlari va import tovarlar namunalari bilan ishtirok etdi. Jumladan, ushbu yarmarka doirasida kombinat tomonidan cooperation.uz portali orqali 36 ta mahalliy ishlab chiqaruvchilardan mahsulotlarni harid qilish bo‘yicha umumiy qiymati 1,1 trln so‘mdan ziyod bo‘lgan 194 ta hamkorlik shartnomalari tuzildi.

Shuni alohida taʼkidlash kerakki, “NKMK” AJ yarmarka doirasida kooperatsiya aloqalarini yo‘lga qo‘ygan eng faol tarmoq korxonasi deb eʼtirof etildi.

“NKMK” AJ Matbuot xizmati.