“NKMK” AJning Navoiy shahridagi o‘quv markazida kombinat xodimlari uchun yangi tahrirdagi Mehnat kodeksining mehnat munosabatlari meʼyorlarini qo‘llash bo‘yicha amaliy seminar o‘tkazildi.

Mazkur seminar Kadrlar va Transformatsiya boshqarmalari hamkorligida va “Dentons” xalqaro yuridik konsalting kompaniyasi vakillari ishtirokida tashkil etildi.

80220242

Seminarda ish beruvchi va xodim o‘rtasidagi mehnat munosabatlarining turli amaliy misollari, shuningdek, mehnat munosabatlarini tartibga solish jarayonida kasaba uyushmasining roli ko‘rib chiqildi.

80220243

Tadbir ishtirokchilari o‘zaro fikr almashib, amaliyotda eng ko‘p uchraydigan masalalar hamda ularni mehnat qonunchiligi meʼyorlariga muvofiq hal etish imkoniyatlarini muhokama qilishdi.

“NKMK” AJ Matbuot xizmati.