“NKMK” AJ Markaziy kon boshqarmasi 2-gidrometallurgiya zavodi, 5-gidrometallurgiya zavodi, 7-gidrometallurgiya zavodi, “Muruntov” koniga quyidagi kasblarga ochiq tanlov e’lon qilinadi:

– tegirmon mashinisti;

– ta’mirlovchi-chilangar;

– kon ishchisi;

– portlatuvchi;

– gidrometallurg-apparatchisi;

– konveyer mashinisti.

Vazifalar:

Тegirmon mashinistining asosiy vazifasi:

– rudali va boshqa materiallarni quruq va namlab maydalash jarayonini turli tizimdagi klassifikatsiyali, separatsiyali, aralashtirish orqali olib borish, smenali ishlab chiqarish vazifalarining bajarilishini ta’minlash, belgilangan ishlab chiqarish texnologiyasiga rioya qilish.

Ta’mirlovchi-chilangarning asosiy vazifasi:

– kapital va joriy ta’mirlash bo’limlari uskunalarini kapital va joriy ta’mirlashni amalga oshirish, shuningdek, Maydalash sexining tegirmon bloklarining favqulodda to’xtashlarini bartaraf etish;

– ishlab chiqarishga tayyorlash bo`linmasi kapital va joriy ta’mirlash vaqtida uskunalar, detal va qismlar bilan o`z vaqtida komplektatsiyani ta’minlash, metall konstruksiyalar va oddiy qismlarni ishlab chiqarish, shuningdek sex tokarlar parkiga texnik xizmat ko`rsatish.

Portlatuvchining asosiy vazifasi:

– ochiq kon ishlarida portlatish ishlarini bajarishdan iborat.

Kon ishchisining asosiy vazifasi:

– portlovchi moddalarni yuklash, yetkazib berish, tushirish, qo’riqlash va ochiq kon ishlarida portlatuvchi rahbarligida quduqlarni va shpurlarni zaryadlashdan iborat.

Gidrometallurg-apparatchisining asosiy vazifasi:

– kiruvchi bo’tanada quyultirish jarayonini olib borish, quyultirgichlar va unga ulangan qurilma hamda jihozlariga xizmat ko’rsatish va ekspluatatsiya qilish, topshiriqlarni sifatli va o’z vaqtida bajarish.

Konveyer mashinistining asosiy vazifasi:

– har xil turdagi konveyerlarning (lentali, plastinli, qig`ichli, vintli, cho`michsimon) yuritish stansiyalariga xizmat ko`rsatish, smena ishlab chiqarish topshiriqlarini o`z vaqtida va havfsiz bajarilishini ta’minlash, ishlab chiqarishning belgilangan texnologiyasiga rioya qilish, bir maromda borishini ta’minlash.

Malaka talablari hamma lavozimlarga:

– malaka guvohnomasiga ega (sanoatkontexnazoratning muhri, eng kamida 5-6-razryad ko`rsatilishi shart) ega bo‘lish.

Ish sharoitlari:

– ish grafigi haftalik, 5/2 kunlik

– ish haqi darajasi “NKMK” AJ tarif setkasiga muvofiq.

Ushbu tanlovda ishtirok etish uchun nomzodlarning hujjatlari Zarafshon shahridagi Markaziy kon boshqarmasi O’quv markazi binosiga vakansiya nomi ko‘rsatilgan holda taqdim etilishi lozim.

Tanlovda ishtirok etish uchun nomzodlarning hujjatlarini qabul qilish muddati 2024-yil 21-fevraldan 1-martgacha.

Ma’lumot uchun telefon: 93-155-48-63; 79-577-23-50; 79-577-03-96.