“O‘zbekiston – 2030 strategiyasi”ning ikkinchi yo‘nalishi barqaror iqtisodiy o‘sish orqali aholi farovonligini taʼminlash bo‘lib, buning uchun mamlakatimiz sanoatining “drayver” sohalarini rivojlantirish va hududlarning sanoat salohiyatini to‘liq ishga solish vazifasi belgilangan.

Mazkur hujjatdan “Navoiy kon-metallurgiya kombinati” AJga daxldor vazifalar o‘rin olgan. Xususan, “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid Davlat dasturining 2-ilovasi 13-bandida “NKMK” AJ ishlab chiqarish quvvatlarini saqlab qolish” investitsiya loyihasini amalga oshirish hamda 94-bandida respublika aholisining ichimlik suv taʼminoti darajasini oshirish belgilangan.

Kombinat jamoasi hamisha davlat dasturlarida belgilangan vazifalarni muvaffaqiyatli amalga oshirib kelmoqda. Jumladan, “Yoshlar va biznesni qo‘llab-quvvatlash yili”da kombinatda amalga oshirishga oid 13 ta bo‘lim, 40 ta banddan iborat 70,5 mlrd so‘m va 109,7 mln AQSh dollar sarflanishi ko‘zda tutilgan chora-tadbirlar dasturi amalga oshirilmoqda.

“NKMK” AJ Matbuot xizmati.