Ilm-fan har bir mamlakatning bugungi kuni va kelajagini belgilaydigan soha hisoblanadi. Shu boisdan Navoiy kon-metallurgiya kombinatida fan, taʼlim va ishlab chiqarish integratsiyasiga alohida eʼtibor qaratilmoqda.

Korxonada yaratilayotgan shart-sharoitlar tufayli ilm-fan sohasida izlanishlar olib borib, ilmiy darajalarga erishayotganlar safi yildan-yilga kengayib bormoqda. Jumladan, kombinatda 8 nafar fan doktori, 16 nafar fan nomzodi mehnat qilayotgani buning tasdig‘idir.

13052024

Yaqinda kombinatda faoliyat olib borayotgan professorlar safi kengaydi. Xususan, Texnologik bo‘limi boshlig‘ining o‘rinbosari Ulug‘bek Ergashev “Foydali qazilmalarni boyitish” ixtisosligi hamda Yangi texnologiyalarni joriy etish bo‘yicha innovatsion markaz boshlig‘i Ulug‘bek Sharafutdinov “Kamyob, nodir va radioaktiv elemantlar texnologiyasi” ixtisosligi bo‘yicha professor ilmiy unvoniga sazovor bo‘lishdi.

Olim va yuksak malakali mutaxassislar U.Ergashev va U.Sharafutdinovlarga mehnat faoliyati hamda ilm yo‘lida kuch-g‘ayrat va yutuqlar tilaymiz!

“NKMK” AJ Matbuot xizmati.