O‘zbekiston – ko‘pmillatli mamlakat! Navoiy kon-metallurgiya kombinatida ham 40 ga yaqin millat va elat vakillari hamjihatlikda mehnat qilib kelmoqda.

Bugungi kunda 47,5 ming nafar ishchi-xodimlardan iborat kombinat jamoasini o‘zbek, qoraqalpoq, qozoq, tojik, rus, belarus, nemis, ozarbayjon, tatar, koreys, ukrain va boshqa millatlar vakillari tashkil etadi.

Eʼtiboringizga kombinatning ko‘pmillatli jamoasi vakillarining fikr-mulohazalarini havola etamiz.

Кузембаева

Markaziy kon boshqarmasi taʼmirlash-qurilish uchastkasi bo‘yoqchisi Juldizay Kuzembayeva:

“Qozoq millatiga mansubman. Yoshligim Tomdi tumanida o‘tgan. 1987-yilda otam va onam Markaziy kon boshqarmasiga qarashli 9-avtokorxonaga ishga kirganlaridan so‘ng, oilamiz bilan Zarafshon shahriga ko‘chib kelganmiz. Mana 33 yildan ortiq vaqt o‘tibdiki, hayotim kombinat bilan bog‘liq holda kechmoqda. Biz jamoamiz bilan “Bessopan” sanoat hududidagi barcha bo‘linmalarning ishlab chiqarish xonalarini taʼmirlab kelmoqdamiz. Tanlagan kasbim o‘zimga yoqadi. Ko‘p millatli jamoada ishlayotganimdan faxrlanaman!”

Нодира УМАРОВА

Axborot-kommunikatsiya texnologiyalari boshqarmasi muhandisi Nodira Umarova:

“Qoraqalpoq qiziman. Qardosh o‘zbeklar bilan tilimiz, dinimiz va madaniyatimiz qorishiq. Jamoamiz ko‘pmillatli. Bayramlarda, xususan, Xalqlar do‘stligi kuni, Navro‘z sayllarida turli millat vakillari o‘zining urf-odati, milliy marosimlarini namoyish etadi. Ularning rasm-rusumlari, milliy liboslari menga juda yoqadi. Men uchun insonning ichki dunyosi muhim. Zero millatidan qatʼiy nazar barchamiz O‘zbekiston fuqarolarimiz!”

Бикова

1-birlashgan kasaba uyushmasi qo‘mitasi raisi Tatyana Bikova:

“Millatim – rus. Uchquduqda tug‘ilganman. Bu olis hududda o‘zbek millatidan tashqari koreys, ukrain, qozoq, tatar va boshqa millat vakillari bilan bir oiladek yashayapmiz. Biz, turli millat vakillari bilan yaqin qo‘ni-qo‘shni, quda-anda bo‘lib ketganmiz. Oilamni olib qaraydigan bo‘lsak, farzandim Dimitriyni o‘zbek qiziga unashtirganimiz buning isboti. Vatanni chin dildan sevish kerak. Biz, Yangi O‘zbekistonni jon-dildan sevamiz. Chunki, turli millat vakillari tinch-osuda yashayotgan Vatan bu – O‘zbekiston. Uchquduq esa uning bir bo‘lagi.”

Наталья СИМ

2-gidrometallurgiya zavodida ishchisi Natalya Sim:

“Millatim – koreys. Toshkent viloyatida tug‘ilganman. 1990-yili “AGAMA” tikuv-trikotaj fabrikasida ish faoliyatimni boshladim. Undan so‘ng tibbiy-sanitariya qismida, mana o‘n ikki yildirki 2-gidrometallurgiya zavodida ishlayapman. Bugungi kunda O‘zbekistonda xotin-qizlarning jamiyatda o‘z o‘rnini topishi, orzu-istaklarini ro‘yobga chiqarishlari uchun barcha sharoitlar yaratilgan. Men faoliyat olib borayotgan zavodda ham biz uchun barcha sharoitlar yaratilgan. Qaysi millat vakili bo‘lishiga qaramasdan, iqtidori, salohiyati va intilishiga qarab turli lavozimlarda faoliyat yuritishmoqda. Mehnati qadrlanadigan, xizmati eʼzozlanadigan, do‘stlik uchun millat tanlamaydigan xalq bilan bir yurtda yashayotganim baxtimdan darakdir.”

Бадаева

Заведующая технической библиотекой Управления АО “НГМК” Зулфира Бадаева:

“Национальность – татарка. Почти вся моя трудовая деятельность связана с Навоийским горно-металлургическим комбинатом. Я пришла сюда еще в прошлом веке, в 1994 году. Все мои лучшие годы, достижения и признание я разделила с многонациональным коллективом комбината. Здесь я обрела единомышленников, поддержку коллег и ощущение причастности к большому важному делу. Работая в подразделении комбината, я убедилась, что общая значимая и интересная цель объединяет людей разных национальностей и конфессий в едином творческом плодотворном порыве. Я благодарна жизни за то, что моя профессиональная судьба сложилась в таком замечательном коллективе, объединившем тысячи специалистов самой благородной целью – труд во имя процветания нашей неповторимой Родины и благосостояния нашего народа”.

Mehnat faxriysi Anatoliy Tuayev:

“Millatim – osetin. Baʼzan hayot yo‘llarimdan ortga boqarkanman, o‘ylanib qolaman. O‘zbekistonga kelganimdan buyon o‘tgan davr – 45 yil davomida men nimalarni topdim-u, nimalarni yo‘qotdim, deya o‘zimga savol beraman. Ushbu so‘roqlarimga topgan javoblarimdan esa dilimda beixtiyor faxr hissi uyg‘onadi. 20 yildan ortiq vaqt davomida 2-gidrometallurgiya zavodida ishladim va bor mehrimni kasbimga berdim. Ko‘plab yoshlarga ustozlik qildim. Nazarimda, insonlar shunday yashashi kerakki, qayerda bo‘lmasin ortidan faqat yaxshiliklar, oliyjanob xislatlar qolsin. Odamlarga mehr ulashsam, tajribam bilan kimgadir yordamim tegsa, bu men uchun katta baxt.”

“NKMK” AJ Matbuot xizmati.