Oldin xabar berganimizdek, kuni kecha “Navoiy kon-metallurgiya kombinati” AJ rahbariyati va “O‘zbekiston temir yo‘llari” AJ delegatsiyasi vakillari o‘rtasida uchrashuv o‘tkazilgan edi.

Bugun “O‘zbekiston temir yo‘llari” AJ Boshqaruvi raisi Z.Narzullayev boshchiligidagi delegatsiya kombinat faoliyati bilan tanishish, korxona mutaxassislari bilan o‘zaro tajriba alamashish maqsadida Navoiy mashinasozlik zavodiga tashrif buyurdi.

“NKMK” AJ Boshqaruvi raisi – Bosh direktori Q.Sanaqulov, zavod direktori J.Hayitovlar “O‘zbekiston temir yo‘llari” AJ vakillarini korxonaning ish jarayonlari va ishlab chiqarish quvvatlarini oshirish bo‘yicha olib borilayotgan amaliy ishlar bilan yaqindan tanishtirishdi.

Shuningdek, Navoiy mashinasozlik zavodi faoliyati bilan tanishish davomida mazkur korxona negizida ehtiyot qismlar va butlovchi buyumlar ishlab chiqarish bo‘yicha kooperatsiya, mahalliylashtirish va tajriba almashish masalalari muhokama etildi.

“NKMK” AJ Matbuot xizmati.