2019-yilda Shimoliy kon boshqarmasi 3-gidrometallurgiya zavodida chiqindilarini qayta ishlashga mo‘ljallangan filtrlash, quritish va quydirish bo‘yicha yangi yuqori texnologiyalarga asoslangan majmua foydalanishga topshirilib, uni amalga oshirishda Germaniyaning “Engineering Dobersek GmbH” kompaniyasi mutaxassislari jalb etilgandi.

Ushbu loyihaga Germaniya davlatining xalqaro patenti olingandi. Bu esa kombinat mutaxassislarining ilmiy salohiyati yuqori ekanligini ko‘rsatadi. Mazkur kompaniya egasi Albin Dobersek va serbiyalik ishbilarmon Nikola Popovich shu kunlarda kombinatning bir qator ishlab chiqarish obyektlarida bo‘lib, yirik sanoat korxonasi faoliyati bilan yaqindan tanishishdi.

250920242

Ular maʼdandan oltin ajratib olish va kuydirish texnologiyalari bo‘yicha taqdimotlar qilishdi. Shuningdek, 3-gidrometallurgiya zavodining Filtrlash, quritish va quydirish majmuasi hamda Navoiy mashinasozlik zavodida bo‘lib, kelgusida yangi texnologiyalar bo‘yicha tadqiqotlar o‘tkazish va uni joriy etish yuzasidan hamkorlik qilish borasida rejalarni belgilab olindi.

“NKMK” AJ Matbuot xizmati