“Navoiy kon-metallurgiya kombinati” aksiyadorlik jamiyati (“NKMK” AJ) 2025-yil uchun moliyaviy hisobotning xalqaro standartlari bo’yicha moliyaviy natijalarni e’lon qiladi.

Asosiy faktlar

2025-yil yakunlariga ko‘ra, “NKMK” AJ oltin ishlab chiqarish bo‘yicha dunyoning eng yirik kompaniyalaridan biri sifatidagi maqomini tasdiqlab, sohadagi global yetakchilar orasidagi o‘rnini yanada mustahkamladi. 2025-yilda oltin ishlab chiqarishning umumiy hajmi 3,15 mln. troy unsiyani tashkil etib, 2024-yildagi 3,09 mln. troy unsiyaga nisbatan 1,9 foizga oshdi. O‘sish ma’danni qazib olish va qayta ishlash hajmining oshishi bilan ta’minlandi.
Sof tushum 10 827 mln. AQSh dollarga yetdi, va bu 2024-yildagi ko‘rsatkichdan (7 395 mln. AQSh dollari) 46,4 foizga ko‘pdir. O‘sishning asosiy omillari LBMA bozorida oltin narxining sezilarli darajada oshishi hamda sotish hajmining ko‘payishidir.
Ishlab chiqarish va qo‘llab-quvvatlash bo‘yicha umumiy xarajatlar (AISC) bir troy unsiya uchun 1 358 AQSh dollarini tashkil etdi, 2024-yilda bu ko‘rsatkich 979 AQSh dollarini tashkil etgan. Bu ko‘rsatkichning oshishi prognozlarga mos bo‘lib, oltinning yuqori narxlari fonida royalti to‘lovlari (yer qaʼridan foydalanganlik uchun soliq) ning ko‘payishi, tog‘ jinslarini qazib olish hajmining oshiishi hamda sarflanadigan materiallar narxiga inflyatsiyaning ta’siriga bog‘liq. “NKMK” AJ dunyodagi eng yirik oltin qazib oluvchi kompaniyalar ichida AISC ko‘rsatkichi bo‘yicha yetakchilar orasida o'z o‘rnini saqlab qoldi.
Moslashtirilgan EBITDA ko‘rsatkichi 6 951 AQSh dollariga yetdi, bu 2024-yilning mos davridagi 4 561 mln. AQSh dollaridan 52,4 foizga yuqori. Oltin narxlari va sotish hajmining xarajatlarga nisbatan jadal oshishi moslashtirilgan EBITDA marjasining 64,2 foizgacha oshishiga olib keldi (2024-yilda – 61,7 foiz).
Investitsion faoliyatga yo‘naltirilgan sof pul mablag‘lari (Cash CAPEX) 1 019 AQSh dollarini tashkil etib, bu ko‘rsatkich 2024-yildagi 914 mln. AQSh dollariga nisbatan 11,5 foizga oshdi. Investitsiyalar resurs bazasini oshirish maqsadida amaldagi konlarda ishlab chiqarish quvvatlarini kengaytirish va geologiya-qidiruv loyihalarini rivojlantirishga yo‘naltirildi.
Kompaniyaning qarz yuklamasi (sof qarzning moslashtirilgan EBITDA ga nisbati) 2024-yildagi 0,5x dan 2025-yilda 0,3x gacha yaxshilandi, bu esa Kompaniyaning moliyaviy intizomi saqlanib qolayotganini tasdiqlaydi.

PRESS-RELIZ

“NKMK” AJ Matbuot xizmati