Navoiy shahridagi “So‘g‘diyona” o‘yingohida Navoiy kon-metallurgiya kombinati maʼmuriyati va kasaba uyushmasi Kengashi tashabbusi bilan O‘zbekiston Respublikasi davlat mustaqilligining 35 yilligi oldidan “Yagona Vatan, yagona xalq bo‘lib, yangi hayot va kelajak yaratamiz!” degan ezgu g‘oyasi ostida “Navoiy kon-metallurgiya kombinati” AJ, “NKMK jamg‘armasi” DM ishchi-xodimlari o‘rtasida ommaviy yugurish marafoni o‘tkazildi.

Bellashuv oldidan ishtirokchilar uchta guruhga, yaʼni, erkaklar vа ayollar 35 yoshgacha, 45 yoshgacha va 45 yoshdan kattalar guruhlariga saralandi. Shundan so‘ng ishchi-xodimlar o‘rtasida sog‘lom turmush tarzini keng targ‘ib etish, sportni ommalashtirish nazarda tutilgan musobaqaga start berildi.

Yakuniy natijalarga ko‘ra, 35 yoshgacha erkaklar o‘rtasida “Qizilqum” kon boshqarmasi vakillari – A.Umurzoqov va A.Turdiyevlar 1- va 2-o‘rinlarni, ayollar o‘rtasida Navoiy mashinasozlik zavodidan M.Ashurova 3-o‘rinni egallshdi.

45 yoshgacha erkaklar o‘rtasida Navoiy mashinasozlik zavodidan Sh.Qodirov hamda “Qizilqum” kon boshqarmasidan N.Mamadiyorov 1- va 3-o‘rinlarni, ayollar o‘rtasida “NKMK” AJ boshqarmasidan D.Itkina 3-o‘rinni egallshdi.

45 yoshdan kattalar erkaklar o‘rtasida “Qizilqum” kon boshqarmasidan S.Turdiyev hamda Ishlab chiqarishni avtomatlashtirish boshqarmasidan B.Shonazarov 2- va 3-o‘rinlarni, ayollar o‘rtasida Markaziy ilmiy-tadqiqot laboratoriyasidan M.Abdiyeva 3-o‘rinni egallshdi.

Musobaqa g‘oliblari NKMK xodimlari kasaba uyushmasi Kengashi va “NKMK jamg‘armasi” DM tomonidan medal, diplom va qimmatbaho sovg‘alar bilan taqdirlandi.

“NKMK” AJ Matbuot xizmati