2021 yilning yanvar-sentabr oylarida Navoiy kon-metallurgiya kombinati tomonidan mahsulot ishlab chiqarish hajmi 40,2 trln so‘mga bajarildi.

Investitsiya dasturi doirasida 428,9 mln dollarlik mablag‘ o‘zlashtirilib, 2,8 mingdan ortiq yangi ish o‘rinlari yaratildi.

Mahalliylashtirish dasturi doirasida 344,9 mlrd so‘mlik mahsulot ishlab chiqarildi va tarmoqlararo sanoat kooperatsiyasi doirasida 2,8 trln so‘mdan ko‘proq mahsulot xarid qilindi.

Korxonada mahsulot tannarxini kamaytirish bo‘yicha amalga oshirilgan chora-tadbirlar natijasida 780 mlrd so‘m mablag‘ iqtisod qilindi.

NKMKning to‘qqiz oylik sof foydasi 8,5 trln so‘m bo‘lishi kutilmoqda. Yuqoridagi barcha ko‘rsatkichlar bo‘yicha o‘tgan yilning mos davriga nisbatan sezilarli o‘sishga erishildi.

NKMK Matbuot markazi.