Joriy yilning 7-yanvar kuni Xorazm viloyati Tuproqqalʼa tumanidagi “Sarimoy” mahallasida xotin-qizlarning bandligini taʼminlash maqsadida, “Navoiy kon-metallurgiya kombinati” aksiyadorlik jamiyati tashabbusi bilan tashkil etilgan “Sarimoy” turkman gilamlari ishlab chiqarish sexi foydalanishga topshirildi.

Ushbu gilam sexi ochilishiga bag‘ishlangan tadbirda “NKMK” AJ Boshqaruv raisi – Bosh direktori Q.Sanaqulov, Xorazm viloyati va Tuproqqalʼa tumani hokimliklari vakillari, kombinat mutaxassislari, mahalla oqsoqollari va faollari, xotin-qizlar ishtirok etishdi.

0000000701222

0000000701223

Tadbirda taʼkidlanganidek, o‘tgan yilning aprelida kombinat bosh direktori Q.Sanaqulovning “Sarimoy” mahallasi aholisi bilan bo‘lib o‘tgan uchrashuvida sarimoyliklar tomonidan mavjud muammolarni hal qilish yuzasidan amaliy yordam ko‘rsatish bo‘yicha murojaat qilingan edi. Kombinat maʼmuriyati sarimoyliklar, ayniqsa, xotin-qizlarning bandligini taʼminlash maqsadida, bu yerda gilam to‘qish sexini tashkil etish bo‘yicha chora-tadbirlarni amalga oshirdi. Natijada ishga tushirilgan mazkur gilam sexida 50 nafar xotin-qizlarning bandligi taʼminlandi. Kelgusida sexda ish o‘rinlari yana-da kengaytirilib, 150 taga yetkaziladi.

0000000701224

0000000701225

Ushbu sexda sifatli turkman gilamlari tayyorlanadi. Chunki turkman gilamlari qadimdan o‘zining yuqori sifati bilan maʼlum va mashhurdir.

“NKMK” AJ matbuot xizmati.