1dekabr

2019-2021-yillar mobaynida kombinatni transformatsiya qilish va aksiyadorlik jamiyatini tashkil etish bo‘yicha qo‘yidagi ishlar amalga oshirildi:

– kombinatning qimmatbaho metallar ishlab chiqarish segmentiga oid bo‘lgan 117,5 trillion so‘mlik aktiv va majburiyatlari aksiyadorlik jamiyati balansiga o‘tkazildi hamda ustav kapitali shakllantirildi;

– xalqaro moliya bozorlariga chiqish maqsadida investorlar talablariga muvofiq xalqaro auditorlik kompaniyasi ishtirokida Global tashabbuskorlik hisoboti (GRI) standartlariga asosan, barqaror rivojlanish hisoboti (ESG) tayyorlandi;

– moliyaviy hisobotlarni xalqaro standartlar asosida yuritish bo‘yicha xalqaro konsalting kompaniyasini jalb qilgan holda, “NKMK” AJ faoliyati uchun moliyaviy hisobotlarning xalqaro standartlari (MHXS) talablariga mos hisob siyosati ishlab chiqildi;

– 2020-yildan boshlab kombinatning investitsiya loyihalarini moliyalashtirish uchun xorijiy banklarning kredit mablag‘lari hisobidan amalga oshirilmoqda. Jumladan, kombinat tomonidan 2020-2021-yillar mobaynida investitsiya loyihalarini moliyalashtirish uchun xorijiy banklarning 1 milliard dollar miqdorida kredit mablag‘lari jalb qilindi;

– NKMK balansida bo‘lgan qimmatbaho metallar umumiy zaxiralarining 82 foizini o‘zida mujassamlashtirgan 12 ta kon “JORC” standartlari talablari asosida to‘liq qayta baholandi. Kombinat boshqa konlarning mineral resurslar va ruda zaxiralarini baholashni davom ettirmoqda;

– Moliyaviy hisobotning xalqaro standartlariga (MHXS) muvofiq hisob yuritishning “1C: ERP Xoldingni boshqarish” axborot tizimi sanoat foydalanishga topshirildi;

– korporativ boshqaruv tizimini yana-da takomillashtirish maqsadida “NKMK” AJning Kuzatuv kengashi tarkibiga xalqaro tajribaga ega bo‘lgan 2 nafar mustaqil aʼzo – xorijiy ekspertlar kiritildi.

“NKMK” AJ matbuot xizmati.