050321

Xar yili Xalqaro xotin-qizlar kuni bayrami arafasida mamlakatimizda ko‘p yillik samarali mehnati, boy amaliy tajribasi bilan xotin-qizlarning davlat va jamiyat hayotida tutgan o‘rni va nufuzini oshirish, oilalarda maʼnaviy-axloqiy muhitni mustahkamlash hamda yurtimizda olib borilayotgan islohotlarda faol qatnashib, xalqimiz farovonligini yuksaltirish yo‘lida tashabbus va ibrat ko‘rsatib kelayotgan ayollar davlatimizning yuksak unvon, orden va medallari bilan taqdirlanib kelinmoqda.

2022-yil 5-mart kuni O‘zbekiston Respublikasi Prezidentining “8-mart – Xalqaro xotin-qizlar kuni munosabati bilan mukofotlash to‘g‘risida”gi Farmoni qabul qilindi. Mazkur farmonga muvofiq, taqdirlanganlar orasida “Navoiy kon-metallurgiya kombinati” aksiyadorlik jamiyati vakili ham borligi biz uchun alohida quvonarlidir. Shimoliy kon boshqarmasi kran mashinisti Bashorat Tursunova “Mehnat shuhrati” ordeni bilan mukofotlandi.

Yuksak davlat mukofoti muborak bo‘lsin!

“NKMK” AJ matbuot xizmati.