2022-yil 27-may kuni Navoiy shahridagi Prezident maktabida “Navoiy kon-metallurgiya kombinati” aksiyadorlik jamiyati va Navoiy davlat konchilik va texnologiyalar universiteti vakillarining muassasada tahsil oluvchi yoshlar bilan “Islohotlarning mazmun-mohiyati” mavzusida maʼnaviy-maʼrifiy uchrashuvi o‘tkazildi.

Uchrashuvda “NKMK” AJ Jamoatchilik bilan aloqalar bo‘yicha direktor X.Raupov, Navoiy davlat konchilik va texnologiyalar universiteti Konchilik fakulteti dekani o‘rinbosari O.Qurbonov, Agronomiya kafedrasi mudiri Sh. Jo‘rayev hamda Prezident maktabi masʼullari, o‘quvchilari ishtirok etishdi.

00000000280520227

Tadbirda so‘zga chiqqanlar o‘quvchi yoshlarga mamlakatimizda amalga oshirilayotgan keng ko‘lamli islohotlarning ahamiyati, ayniqsa bugungi kunda taʼlim sohasidagi islohotlarning mazmun-mohiyati to‘g‘risida to‘xtalib o‘tdilar. Shuningdek, kombinat va universitet vakillari tomonidan so‘nggi yillarda O‘zbekistonda iqtisodiy va maʼnaviy sohalarida amalga oshirilayotgan islohotlar, jumladan kombinatda keyingi yillarda ishga tushirilgan yirik investitsion loyihalar, dunyoning eng yirik oltin koni – “Muruntov” koni to‘g‘risida aytib o‘tildi.

00000000280520226

Tadbirda Prezident maktabi o‘quvchilari o‘zlarini qiziqtirgan savollarga, jumladan, konchilik va metallurgiya sohasida qo‘llanilayotgan innovatsiyalar, konlarning geografik joylashuvi, kon texnologiyalari haqida batafsil javoblar olishdi.

“NKMK” AJ matbuot xizmati.