“Navoiy kon-metallurgiya kombinati” AJda xalqaro ekspertlarni jalb qilgan holda Global tarmoq standarti (GISTM) ga muvofiq chiqindi omborlarini boshqarish bo‘yicha o‘quv seminari o‘tkazildi.

O‘quv-seminarda kombinatning chiqindi omborlarni boshqarish masalalariga bevosita jalb etilgan masʼul xodimlari hamda texnik xizmat ko‘rsatish, energiya resurslarini boshqarish, texnologik jarayonlar va qurilish-taʼmirlash ishlarini amalga oshirish bo‘yicha xizmatlar vakillari ishtirok etishdi.

Seminar doirasida ekspertlar tomonidan ilg‘or xalqaro tajribalarga muvofiq chiqindi omborlarini boshqarish tamoyillari taqdim etildi. Xususan, to‘g‘onlarning ehtimoliy yorilishi oqibatlarini modellashtirish va baholash usullari hamda chiqindi omborlari barqarorligini monitoring qilishning zamonaviy usullari muhokama etildi.

Masofaviy o‘quv seminari yuzaga keladigan masalalarni maksimal darajada ekspertlar bilan birgalikda ko‘rib chiqish va ishlab chiqarish bo‘linmalaridagi mutaxassislar bilan muhokama qilish imkonini berdi.

“NKMK” AJ Matbuot xizmati