22-23-sentabr kunlari “Fitch Ratings” xalqaro reyting agentligi vakillari “Navoiy kon-metallurgiya kombinati” AJga tashrif buyurdi.

Tashrif davomida “Fitch Ratings” agentligi vakillari va “NKMK” AJ rahbariyati o‘rtasida uchrashuv o‘tkazildi. Uchrashuvda agentlikning yillik sharhi doirasida kompaniyaning moliyaviy ko‘rsatkichlari taqdim etildi. Shuningdek, agentlik vakillari kombinat bo‘linmalarida bo‘lib, ishlab chiqarish jarayonlari bilan tanishtirildi.

“Fitch Ratings” agentligining yillik sharhi “NKMK” AJning barqaror o‘sishi va investorlar ishonchini mustahkamlashga ko‘maklashadigan shaffof hamda ishonchli kredit reytinglarini saqlab qolish uchun muhim bosqich hisoblanadi.

Maʼlumot uchun: Avvalroq “Fitch Ratings” xalqaro reyting agentligi “NKMK” AJning kredit reytingini “Barqaror” prognozi bilan “BB” darajasigacha oshirgan edi.

https://www.ngmk.uz/uz/press-center/news-and-press-releases/Fitch-Upgrades-NMMC-Credit-Rating-toBB-Outlook-Stable/

“NKMK” AJ Matbuot xizmati.