“Fitch Ratings” xalqaro reyting agentligi “Navoiy kon-metallurgiya kombinati” AJning uzoq muddatli kredit reytingini (IDR) “Barqaror” prognozi bilan “BB” darajasigacha oshirganini e’lon qildi.

2024-yil oktabr oyida Kompaniyaning 1,0 mlrd AQSh dollari miqdoridagi ilk xalqaro korporativ obligatsiyalari London fond birjasida muvaffaqiyatli joylashtirganidan so‘ng “Fitch Ratings” agentligi “NKMK” AJning mustaqil kredit profilini (SCP) “bb+” darajasigacha oshirgan edi. Agentlikning qayd etishicha, reyting oshishiga olib kelgan asosiy omillardan biri – moliyalashtirish manbalarining yanada diversifikatsiya qilinishidir.

“NKMK” AJ reytingining oshishi Kompaniyaning barqaror moliyaviy holatini hamda jahonda ishlab chiqarish tannarxi past bo‘lgan yirik oltin ishlab chiqaruvchisi maqomini tasdiqlaydi. 2024-yilda ishlab chiqarish hajmi 3,1 mln troy unsiyasini tashkil etdi.

“Fitch Ratings” press-relizi: https://www.fitchratings.com/research/corporate-finance/fitch-upgrades-four-natural-resource-uzbek-corporates-following-sovereign-upgrade-10-07-2025

Kompaniya haqidagi qo‘shimcha ma’lumot bilan https://www.ngmk.uz/ veb-saytida tanishish mumkin.

PRESS-RELIZ

“NKMK” AJ Matbuot xizmati