Navoiy kon-metallurgiya kombinati korxonalarida ishchi-xodimlarga munosib mehnat sharoitlarini yaratish, shu jumladan, xotin-qizlarga beriladigan imtiyozlardan foydalanish masalalariga doimiy eʼtibor qaratilmoqda.

“NKMK” AJ boshqarmasida kombinat maʼmuriyati, NKMK xodimlari kasaba uyushmasi Kengashi rayosati, “NKMK jamg‘armasi” DM vakillari, kombinat bo‘linmalari rahbar-xodimlari ishtirokida videokonferensaloqa orqali qo‘shma yig‘ilish o‘tkazildi.

Mazkur yig‘ilishda Navoiy mashinasozlik zavodi, Markaziy ilmiy-tadqiqot laboratoriyasi, Tarmoqlar va podstansiyalar sexida sanoat sanitariyasi va gigiyenasi, ishchi-xodimlarni profilaktik oziq-ovqat va sut mahsulotlari bilan taʼminlash holati hamda xotin-qizlarga beriladigan imtiyozlarning qo‘llanilishi muhokama etildi. Shu bilan birga, Shimoliy kon boshqarmasi va “Qizilqum” kon boshqarmasi bo‘linmalarida ishchi-xodimlarga tibbiy xizmat ko‘rsatish, ularni profilaktik ko‘rikdan o‘tkazish, tibbiy punktlarning xizmat ko‘rsatish holati va xotin-qizlarga beriladigan imtiyozlarning qo‘llanilishi masalalari ko‘rib chiqildi.

Qo‘shma yig‘ilishda kun tartibidagi masalalar bo‘yicha aniqlangan kamchiliklarni bartaraf etish yuzasidan tavsiyalar berildi. Yakunda qo‘shma qaror qabul qilindi.

“NKMK” AJ Matbuot xizmati