“Navoiy kon-metallurgiya kombinati” AJda ishlab chiqarishni raqamlashtirish, raqamli texnologiyalarni keng joriy etish bilan bir qatorda, kombinat IT mutaxassislarining malakasini oshirishga alohida eʼtibor qaratilmoqda.

Xususan, Axborot-kommunikatsiya texnologiyalari boshqarmasi xodimlari “IT Park Uzbekistan” tomonidan tashkil etilgan “Project Management”, “Data Architect” va “1C Developer” yo‘nalishlaridagi maxsus kurslar bo‘yicha o‘qishni muvaffaqiyatli yakunlashdi.

Kurslar dasturlari loyihalarni boshqarish, maʼlumotlar arxitekturasi va 1C platformasida yechimlar ishlab chiqish bo‘yicha xodimlar malakasini oshirishga qaratilgan edi. Bu, o‘z navbatida, ularga o‘zlarining kasbiy ko‘nikmalarini sezilarli darajada takomillashtirish va sohaning yuqori standartlariga javob berish imkonini berdi.

Imtihonlar yakunlari bo‘yicha barcha xodimlarga malakasini tasdiqlovchi sertifikatlar topshirildi. Natijada bu kabi malaka oshirish kurslari korxonada raqamli texnologiyalarni rivojlantirish va jarayonlarni takomillashtirishda muhim ahamiyat kasb etadi.

“NKMK” AJ Matbuot xizmati.