Navoiy kon-metallurgiya kombinati ijtimoiy masʼuliyatni zimmasiga olib, korxonada faoliyat olib borayotgan xotin-qizlarni qo‘llab-quvvatlash, isteʼdodli, tashabbuskor ayollar mahoratini rag‘batlantirishga qatta eʼtibor qaratadi.

Bahor va go‘zallik ayyomi bo‘lgan 8-mart – Xalqaro xotin-qizlar kuni bayrami kombinat bo‘linmalarida keng nishonlanmoqda. Tantanali tadbirlarda kombinat xotin-qizlarining mehnati, korxona rivojiga qo‘shayotgan hissasi eʼtirof etilib, soha ilg‘orlari munosib rag‘batlantirilmoqda.

Bugun Navoiy shahridagi “Farhod” madaniyat saroyida “Navoiy kon-metallurgiya kombinati” AJ, “Navoyuran” DK, “NKMK jamg‘armasi” DM, Navoiy davlat konchilik va texnologiyalar universitetida faoliyat olib borayotgan xotin-qizlar uchun tantanali bayram tadbiri o‘tkazildi. Tadbirda “NKMK” AJ Boshqaruvi raisi – Bosh direktori Q.Sanaqulov xotin-qizlarni bayram bilan tabrikladi.

Tabrikda kombinatda bugungi kunda 6 150 nafar ortiq xotin-qizlar, ular orasida 40 nafar davlatimizning yuksak mukofotlari sovrindorlari kombinat ravnaqi yo‘lida astoydil xizmat qilib kelayotgani alohida taʼkidlandi. Shuningdek, bu yilgi bayramda Janubiy kon boshqarmasi Issiqlik suv taʼminoti va oqova suvi sexi muhandisi Jamila Sodiqova “Moʻtabar ayol” ko‘krak nishoniga sazovor bo‘ldi.

Tadbirda bir guruh xotin-qizlar “NKMK faxriysi” unvoni bilan taqdirlandi.

“Farhod” madaniyati saroyi badiiy jamoalari va xonandalari tomonidan tuhfa etilgan musiqiy dastur tadbir ishtirokchilariga bayramona kayfiyat ulashdi.

“NKMK” AJ Matbuot xizmati.