9-20-noyabr kunlari Turkiya Respublikasining Antaliya şahrida Birlaşgan Millatlar Taşkilotining Iqlim özgarişi böyiça Hadli konvensiyasi tomonlari konferensiyasining 31-sessiyasi (COP31) bölib ötmoqda.

Nufuzli xalqaro anjumanda 200 ga yaqin davlat vakillari, xalqaro taşkilotlar, işbilarmon va ilmiy doiralar hamda fuqarolik jamiyati vakillari jam bölgan. Uşbu tadbirda “Navoiy kon-metallurgiya kombinati” AJ vakillari ham iştirok etmoqda.

“Barqaror, osoyişta va adolatli kelajak sari” şiori ostida ötayotgan sammitda iqlim özgarişiga qarşi kuraşiş, Parij bitimi maqsadlarini amalga oşiriş, issiqxona gazlari çiqindilarini qisqartiriş, iqlim özgarişi oqibatlariga moslaşiş, iqlim moliyasini kengaytiriş va “yaşil iqtisodiyot”ga ötiş masalalari muhokama qilinmoqda.

Ayniqsa, suv resurslari taqçilligi, çöllaniş, tuproqning degradatsiyaga uçraşi, muzliklarning erişi va qurğoqçilik kabi ekologik muammolar Markaziy Osiyo mintaqasi uçun ham dolzarb ahamiyatga ega. Şu bois sammit doirasida Özbekiston, Qirğiziston va Tojikiston hamkorligida xalqaro şeriklar kömagida işlab çiqilgan “Markaziy Osiyoda iqlim özgarişiga çidamli landşaftlar” (CLiCA) mintaqaviy dasturiga start berildi. Mazkur taşabbus mintaqada ekologik barqarorlikni mustahkamlaş va iqlim özgarişiga moslaşiş borasidagi hamkorlikni rivojlantirişga qaratilgan.

Taʼkidlaş joizki, bugungi kunda Özbekistonda ekologik barqarorlikni taʼminlaş, “yaşil iqtisodiyot” ni rivojlantiriş va tabiiy resurslardan oqilona foydalaniş davlat siyosatining ustuvor yönalişlaridan biridir. Bu borada yirik sanoat korxonalari, jumladan, Navoiy kon-metallurgiya kombinati tomonidan ham energiya va suv resurslarini tejaş, ekologik xavfsizlikni taʼminlaş hamda atrof-muhitga salbiy taʼsirni kamaytirişga qaratilgan çora-tadbirlar izçil amalga oşirilmoqda.

Mazkur Xalqaro iqlim sammitida qatnaşayotgan “NKMK” AJ Atrof-muhitni muhofaza qiliş bölimi boşliği Xayrullo Baqoyev taʼkidlaganidek:

- Kombinatning 2030-yilgaça möljallangan dasturi doirasida suvni tejaş, qayta işlatiş va aylanma suv taʼminotini rivojlantiriş orqali 36 million kubometr suvni tejaş imkoniyatini yaratiş belgilangan. Energiya samaradorligini oşiriş maqsadida esa quyoş fotoelektr qurilmalarining umumiy quvvati 12,5 megavattga yetkazilib, yiliga 21,3 million kilovatt-soat elektr energiyasi işlab çiqariş imkoniyati yaratilgan.

Atrof-muhitga taʼsirni kamaytiriş maqsadida, 2025-yil yakunlari böyiça oltita zamonaviy çang va gaz tozalaş tizimi örnatildi. “Yaşil makon” umummilliy loyihasi doirasida esa ötgan yili kombinat korxonalari hududlari va ularga tutaş joylarda 443 mingdan ortiq daraxt va buta köçatlari ötqazildi. Işlab çiqariş çiqindilarini ekologik xavfsiz boşqariş borasida ham izçil işlar olib borilayapti. Xususan, 2-gidrometallurgiya zavodi çiqindi saqlaş inşootini kengaytiriş va rekonstruksiya qiliş işlari amalga oşirilmoqda.

Şu bilan birga, kombinatda ekologik boşqaruv tizimini takomillaştiriş va ISO 14001 xalqaro standarti talablarini joriy etiş orqali atrof-muhitga taʼsirni baholaş hamda kamaytiriş çoralari kuçaytirilmoqda. Bizning mazkur sammitdagi iştirokimiz dolzarb masalalarni örganiş, xalqaro hamjamiyatning ekologik barqarorlikni taʼminlaş borasidagi ilğor tajribasi bilan tanişiş, sohadagi zamonaviy texnologiya va innovatsion yeçimlarni işlab çiqariş jarayonlariga tatbiq etiş imkoniyatlarini körib çiqiş hamda xalqaro hamkorlik aloqalarini kengaytirişga qaratilgan.

“NKMK” AJ Matbuot xizmati