Samarqand shahrida Markaziy Osiyo davlatlari va Amerika Qo‘shma Shtatlari o‘rtasida o‘tkazilayotgan С5+1 biznes-forumi doirasida “Mineral resurslar va tog‘-kon sanoati” mavzusidagi tarmoq sessiyasi bo‘lib o‘tdi.

Mazkur sessiya AQSh Davlat kotibi Marko Rubio boshchiligidagi Amerika delegatsiyasining tashrifi doirasida tashkil etildi. Tadbirda davlat idoralari, xalqaro moliya institutlari, tog‘-kon va texnologiya kompaniyalari vakillari, investorlar, soha ekspertlari, shu jumladan mamlakatimiz delegatsiyasi tarkibida “Navoiy kon-metallurgiya kombinati” AJ vakillari ham ishtirok etishdi.

Geologiya-qidiruv ishlarini rivojlantirish ва yangi konlarni o‘zlashtirish, tog‘-kon korxonalarini modernizatsiya qilish, mineral xomashyoni chuqur qayta ishlash hamda muhim strategik minerallar yo‘nalishini kengaytirish sessiyaning asosiy mavzulari bo‘ldi. Qo‘shma korxonalar tashkil etish, uskunalarni mahalliylashtirish, malakali mutaxassislar tayyorlash ва yuqori qo‘shilgan qiymatga ega ishlab chiqarish zanjirlarini shakllantirish masalalari muhokama qilindi.

Shuningdek, tadbir doirasida B2B va G2B formatidagi uchrashuvlar o‘tkazildi. Uchrashuvlarda qatnashgan “NKMK” AJ rahbar-xodimlari xorijiy kompaniyalar vakillari bilan hamkorlikni rivojlantirish masalalarini muhokama qilish imkoniyatiga ega bo‘ldi.

“NKMK” AJ Matbuot xizmati