Temir yo‘l transporti sohasi Navoiy kon-metallurgiya kombinatining iqtisodiy rivojlanishida muhim ahamiyat kasb etadi. Ayni paytda kombinat temir yo‘l transporti boshqarmasi va temir yo‘l sexlarida qariyb 2 ming nafar ishchi, xizmatchi va muhandis texnik xodimlar faoliyat yuritmoqda.

Kombinat temir yo‘l transporti sohasida 2020-2025-yillarda 352,7 mln. tonna yuk tashilgani sohaning kengayib borayotganidan dalolatdir. Bu kabi katta ko‘lamdagi amalga oshirilgan ishlarning barchasi iqtisodiyotimizda yuksak natijalarni qo‘lga kiritishga asos bo‘lmoqda. Temiryo‘lchilarimiz tomonidan o‘tgan davrlarda 105 kilometrdan ortiq yangi temir yo‘llarning barpo etilgani, 30 kilometrlik temir yo‘l liniyalarining zamonaviylashtirilgani muhim qadam bo‘ldi. Eng asosiysi, bu o‘zgarishlar kombinatda o‘zining ijobiy samarasini ko‘rsatmoqda.

Doimiy qo‘llab-quvvatlanayotgani bois kombinat Temir yo‘l transporti parki yangilanib, zamonaviylashib bormoqda. Birgina o‘tgan yilda 92 dona o‘ziag‘dargich vagon keltirilib foydalanishga topshirilib, korxona vagon parki yana-da kengaydi. Joriy yilning birinchi choragi davomida temir yo‘l transporti orqali har xil turdagi 19,7 mln. tonna yuk va qariyb 167,8 ming nafar yo‘lovchi tashilib, reja 103 foizga uddalandi.

“NKMK” AJ Matbuot xizmati.