Navoiy kon-metallurgiya kombinati gidrometallurgiya zavodlarida oltin tarkibli maʼdanlarni qayta ishlash jarayonlariga bir biridan ajralib turadigan texnologiyalar joriy etilgan. Misol uchun, 3-gidrometallurgiya zavodida ishlanishi murakkab bo‘lgan sulfidli maʼdan “BIOX” bakterial oksidlash texnologiyasi orqali qayta ishlanmoqda.

Korxonada maʼdanni bakterial oksidlash jarayonini takomillashtirishda Shimoliy kon boshqarmasi Markaziy fizika-kimyoviy laboratoriyasining zamonaviy asbob-uskunalar bilan jihozlantirilgan biolaboratoriyasi muhim ahamiyatga ega. Mazkur biolaboratoriyada “BIOX” bakterial oksidlash jarayonida bakteriyalarni o‘rganish, ularning faolligini oshirish, ozuqa moddalari sarfini optimallashtirish hamda oksidlash jarayonini yaxshilash bo‘yicha tadqiqotlar olib borilmoqda.

Shu bilan birga, laboratoriya xodimlari tomonidan ishlab chiqarishdan chiqqan texnik suvni og‘ir kimyoviy elementlardan bakterial oksidlash orqali tozalab qayta ishlatish ustida tahlillar o‘tkazilmoqda.

“NKMK” AJ Matbuot xizmati.