• Создано: 02.12.2022
• Обновлено: 03.12.2022
• Прочитано: 697

Kombinat imijini ilgari surish bo‘yicha uchrashuv o‘tkazildi

2-dekabr kuni “NKMK” AJ Geologiya-qidiruv ekspeditsiyasida Navoiy kon-metallurgiya kombinatining ijobiy imijini shakllantirish va ilgari surish hamda boshqa shakllarda jamoatchilik fikrini o‘rganishga bag‘ishlangan uchrashuv o‘tkazildi.

Uchrashuvda korxona ishchi-xodimlari va “NKMK” AJ Jamoatchilik bilan aloqalar bo‘yicha direktori X. Raupov ishtirok etishdi. Tadbirda Jamoatchilik bilan aloqalar bo‘yicha direktor X. Raupov so‘zga chiqib, “Navoiy kon-metallurgiya kombinati” aksiyadorlik jamiyati jahonda oltin ishlab chiqaruvchi yirik kompaniyalar to‘rttaligiga kirishi, kombinat yer osti boyliklari zaxiralarini geologik qidirish, qazib olish va qayta ishlashdan to tayyor mahsulot olishgacha bo‘lgan ishlab chiqarish jarayonlari to‘liq amalga oshiriladigan sanoat klasteri ekanligi hamda korxona imijini oshirishga qaratilgan ishlar haqida fikr-mulohazalarini bildirdi.

Shuningdek, uchrashuv doirasida Navoiy viloyat Adliya boshqarmasi masʼuli J. Hamroyev va “NKMK” AJ Komplayens xizmati shuʼba mudiri A. Bozorovlar ishtirokida Geologiya-qidiruv ekspeditsiyasi ishchi-xodimlar uchun O‘zbekiston Respublikasi Konstitutsiyasi va O‘zbekiston Respublikasi Davlat madhisiyasi qabul qilinganligining 30 yilligiga bag‘ishlangan maʼnaviy-maʼrifiy tadbir o‘tkazildi.   

Tadbir davomida mazkur sanalarga bag‘ishlangan videorolik namoyish etildi.

“NKMK” AJ Matbuot xizmati.