2022-yil 29-avgust kuni O‘zbekiston Respublikasi Prezidentining “O‘zbekiston Respublikasi mustaqilligining o‘ttiz bir yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi farmoni qabul qilindi. Mazkur farmonga muvofiq, taqdirlanganlar orasida “Navoiy kon-metallurgiya kombinati” Aksiyadorlik jamiyati vakillari ham borligi biz uchun alohida quvonarlidir.

Jumladan, Markaziy kon boshqarmasi direktori Elmurad Xalikulov “Mehnat shuhrati” ordeni, “NKMK” AJ bosh geologi o‘rinbosari Ilhomjon Hamroyev “Do‘stlik” ordeni, Janubiy kon boshqarmasi konchilik bo‘limi yetakchi muhandisi Akmal Jamonkulov “Shuhrat” medali bilan mukofotlandi.

Shuningdek, O‘zbekiston Respublikasi Prezidentining “O‘zbekiston Respublikasi davlat mustaqilligining o‘ttiz bir yilligi munosabati bilan harbiy xizmatchilar va huquqni muhofaza qilish organlari xodimlaridan bir guruhini mukofotlash to‘g‘risida”gi farmoni qabul qilindi. Mazkur farmonga muvofiq, Navoiy kon-metallurgiya kombinati Markaziy kon boshqarmasi yong‘in qutqaruv qismi haydovchi-qutqaruvchisi Obidjon Abdullayev “Shuhrat” medali bilan mukofotlandi.

Yuksak davlat mukofotlari muborak bo‘lsin!

“NKMK” AJ Matbuot xizmati.