260920232

26-sentabr kuni 3-gidrometallurgiya zavodida “NKMK” AJning transformatsiya dasturi doirasida Boston Consulting Group (BCG) (AQSh) xalqaro konsalting kompaniyasi tomonidan tashkil etilgan ish samaradorligini oshirishga bag‘ishlangan seminar bo‘lib o‘tdi.

Seminarda Shimoliy kon boshqarmasi rahbariyati, 3-GMZ rahbar va mutaxassislari, BSG kompaniyasi vakillari ishtirok etdilar. Seminarning asosiy maqsadi kombinat mutaxassislari bilan birgalikda tannarxni kamaytirishga qaratilgan taklif etilayotgan chora-tadbirlar ro‘yxatini ko‘rib chiqish va muhokama qilish hamda ularning samaradorligini tasdiqlash bo‘yicha keyingi chora-tadbirlarni tasdiqlashdan iborat.

photo_2023-09-26_11-35-40

Tadbir davomida ishtirokchilar xalqaro ekspertlarni jalb qilgan holda kelgusida rivojlantirish uchun 3-GMZning barcha texnologik jarayonlari bo‘yicha tashabbuslarni muhokama qildilar. Natijada 2023-yilda ishga tushirilishi rejalashtirilgan yo‘nalishlar bo‘yicha ustuvor chora-tadbirlar va tajriba loyihalari belgilab olindi.

Amalga oshirilayotgan “NKMK” AJning transformatsiya dasturi doirasida jalb etilgan xalqaro ekspertlar ishtirokidagi bunday hamkorlikdagi tadbirlar muntazam ravishda davom ettiriladi.

“NKMK” AJ Matbuot xizmati.