Navoiy kon-metallurgiya kombinati korxonalarida ishchi-xodimlarga Raqobatni rivojlantirish va isteʼmolchilar huquqlarini himoya qilish qo‘mitasi huzuridagi Raqobat siyosati va isteʼmolchilar huquqlari tadqiqotlari markazi tomonidan ishlab chiqilgan uslubiy qo‘llanmalar asosida Komplayens xizmati masʼullari tomonidan o‘quv seminarlar o‘tkazilmoqda.

Xususan, Shimoliy kon boshqarmasi bo‘linmalari – 3-gidrometallurgiya zavodi, “Sharqiy” konida hamda Uchquduq shahridagi “Uchquduq” madaniyat saroyida “NKMK” AJ Korrupsiyaga qarshi kurashish siyosati, xodimlarning odob-axloq qoidalari va boshqa ichki idoraviy hujjatlar hamda monopoliyaga qarshi komplayens tizimi, raqobat qonunchiligi va uning buzilish ehtimollari to‘g‘risida o‘quv seminarlar tashkil etildi.

Tadbirlarda Komplayens xizmati masʼullari tomonidan uslubiy qo‘llanmalar asosida olib borilgan targ‘ibot natijasi bo‘yicha ishchi-xodimlar o‘rtasida O‘zbekiston Respublikasining “Manfaatlar to‘qnashuvi to‘g‘risida”gi, “Raqobat to‘g‘risida”gi Qonunlariga oid test o‘tkazildi va bukletlar tarqatildi.

“NKMK” AJ Matbuot xizmati