Navoiy kon-metallurgiya kombinati korxonalarida ishchi-xodimlarga munosib mehnat sharoitlarini yaratish, shu jumladan, ularni ovqatlantirish masalalariga doimiy eʼtibor qaratilmoqda.

“NKMK” AJ boshqarmasida kombinat maʼmuriyati, NKMK xodimlari kasaba uyushmasi Kengashi, “NKMK jamg‘armasi” DM vakillari, kombinat bo‘linmalari rahbar-xodimlari ishtirokida videokonferensaloqa orqali yig‘ilish o‘tkazildi.

Mazkur yig‘ilishda kombinat bo‘linmalarida noqulay mehnat sharoitlaridagi ishlarda band bo‘lgan ishchi-xodimlarni profilaktik oziq-ovqat va sut mahsulotlari bilan taʼminlash holati muhokama etildi. Bo‘linmalardagi umumiy ovqatlantirish oshxonalarida ishchi-xodimlarga profilaktik oziq-ovqat va sut mahsulotlarini tarqatish jarayonini raqamli tizim orqali nazorat qilish hamda ovqatlantirish xizmatlarini yanada oshirish masalalari ko‘rib chiqildi.

Yig‘ilishda kun tartibidagi masalalar bo‘yicha aniqlangan kamchiliklarni bartaraf etish yuzasidan tavsiyalar berildi.

“NKMK” AJ Matbuot xizmati