O‘zbekiston Respublikasi mustaqilligining o‘ttiz besh yilligi munosabati bilan Navoiy shahridagi “NKMK tarixi” muzeyida “Navoiy kon-metallurgiya kombinati” AJ va “NKMK jamg‘armasi” DMning bir guruh xodimlariga “O‘zbekiston Respublikasi mustaqilligining 35 yilligi” esdalik nishonlarini topshirishga bag‘ishlangan tadbir o‘tkazildi.

Tantanali tadbirda “NKMK” AJ bosh muhandisi Atabek Ravshanov barchani eng aziz, eng ulug‘ bayram – Vatanimiz mustaqilligining o‘ttiz besh yilligi bilan samimiy muborakbod etdi.

Tadbirda Prezidentimizning 2026-yil 22-avgustdagi “O‘zbekiston Respublikasi mustaqilligining o‘ttiz besh yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi Farmoniga muvofiq, kombinatning 5 nafar rahbar va ishchi-xodimlari yuksak davlat mukofotlari – faxriy unvon, orden va medallariga sazovor bo‘lishgani alohida eʼtirof etildi.

Esdalik nishonlari bilan taqdirlangan hamkasblarimizni chin dildan tabriklaymiz hamda ularga kelgusi faoliyatida muvaffaqiyatlar tilaymiz!

“NKMK” Matbuot ximati