So‘nggi yillarda Navoiy kon-metallurgiya kombinatida amalga oshirilgan muhim investitsion loyihalar tarkibida qimmatbaho metallar bo‘lgan maʼdanlarni qazib chiqarish va qayta ishlash quvvatlari hamda mahsulot ishlab chiqarish hajmini oshirish, yangi ish o‘rinlarini yaratishga xizmat qilmoqda.

O‘zbekiston Respublikasi davlat mustaqilligining 35 yilligi oldidan “Zarmitan oltin-ruda zonasi konlari negizida kon-ruda kompleksining quyi sathlarini (0.00m. gacha) o‘zlashtirish” yirik investitsion loyihasi doirasida “Zarmitan” konidagi “Asosiy” shaxta stvolining yakuniy chuqurlashtirish ishlarining so‘nggi bosqichi nihoyasiga yetkazildi.

“Asosiy” shaxta stvolidan qazib olingan tog‘ jinslarini yer yuzasiga chiqarish bilan birga konchilar, kerakli materiallar va jihozlarni shaxtaga olib tushish va olib chiqish, yer osti suvlarini yer yuzasiga chiqarish, shaxtani toza havo bilan taʼminlash maqsadida ham foydalaniladi.

Bundan tashqari, to‘qqizta yer osti sathida stvol kesishmalari, uchta sathda stvol oldi maydolari hamda +300 m va 0.00 m sathlarda suv chiqarish majmualari qazilib, mustahkamlandi va ishga tushirildi. Ushbu obyektni foydalanishga topshirilishi 0.00 m sathgacha bulgan zaxiralarini qazib olish va undan chuqurlikda joylashgan istiqbolli zaxiralarni o‘rganish va baxolash imkonini yaratdi.

- “Zarmitan oltin-ruda zonasi konlari negizida kon-ruda kompleksining quyi sathlarini (0.00m. gacha) o‘zlashtirish” investitsion loyihasini amalga oshirish chexiyalik hamkorlar bilan 2019 yilda boshlangan bo‘lib, 2025 yilda “Skipli” shaxta stvoli foydalanishga topshirilgan edi. Bugunga kelib, respublikamiz kon-metallurgiya sanoati tarixida birinchi marta ikkita shaxta stvoli kariyb ming metr chuqurlikda qurilib, uchta satxda o‘zaro tutashtirildi, - deydi Janubiy kon boshqarmasi bosh muhandisi To‘lqin Nizomov.

Shaxta stvolidagi texnologik jarayonlar zamonaviy axborot-kommunikatsiya texnologiyalari yordamida to‘liq raqamlashtirilgan bo‘lib, operatorlik pulti orqali boshqariladi. Buning hisobiga ish jarayonlari doimiy kuzatilib, yuk tashish aniq hisob-kitoblar orqali monitoring qilib boriladi.

“NKMK” AJ Matbuot xizmati