Navoiy kon-metallurgiya kombinati bo‘linmalarida ishchi-xodimlarining huquqiy ongi va madaniyatini yuksaltirish, jamiyatda korrupsiyaga nisbatan murosasiz munosabatni shakllantirish bo‘yicha Komplayens xizmati maʼsullari tomonidan o‘quv seminarlar o‘tkazilmoqda.

Jumladan, Shimoliy kon boshqarmasi bo‘linmalari – Temir yo‘l transport boshqarmasi va Issiqlik-suv-gaz ta’minoti va oqova suv sexida O‘zbekiston Respublikasi Prezidentining “Davlat organlari va tashkilotlarining Korrupsiyaga qarshi ichki nazorat bo‘linmalari mustaqilligini taʼminlash hamda faoliyati samaradorligini oshirish chora-tadbirlari to‘g‘risida”gi qarori, “O‘zbekiston Respublikasida korrupsiyaning oldini olish va unga qarshi kurashish tizimini yanada takomillashtirish to‘g‘risida”gi farmoni, “NKMK” AJ Korrupsiyaga qarshi kurashish siyosati, xodimlarning odob-axloq qoidalari va boshqa ichki idoraviy hujjatlar hamda monopoliyaga qarshi komplayens tizimi, raqobat qonunchiligi va uning buzilish ehtimollari to‘g‘risida seminar tashkil etildi.

Tadbir yakunida Komplayens xizmati maʼsullari tomonidan uslubiy qo‘llanmalar va bukletlar tarqatildi.

“NKMK” AJ Matbuot xizmati