“Navoiy kon-metallurgiya kombinati” aksiyadorlik jamiyati (“NKMK” AJ) 2024-yil 31-dekabrda yakunlangan yil (“2024-moliya yili” yoki “Davr”) uchun Moliyaviy hisobotning xalqaro standartlari bo‘yicha auditdan o‘tkazilgan moliyaviy natijalarini e’lon qiladi.

Asosiy ko‘rsatkichlar:

2024-yilda oltin ishlab chiqarish hajmi 3.10 mln. unsiyaga yetdi (2023-yildagi mln. unsiyaga nisbatan 5.4% o‘sish). Bu yangi konlar va qayta ishlash quvvatlarining ishga tushirilishi hisobiga amalga oshirildi.
2024-moliya yilida sof tushum 7.4 mlrd. AQSh dollarini tashkil etdi, bu 2023-yildagi 5.7 mlrd. AQSh dollari ko‘rsatkichidan 29.8% ga yuqori va kompaniya uchun rekord darajadagi natijadir.
“All-in sustaining cost” (AISC) 979 AQSh dollarini tashkil etdi (2023-yilda 866 AQSh dollari), bu natija kutilgan darajada bo‘lib, oltin savdosidan olinadigan daromadlar ortgani tufayli soliq va ish haqi xarajatlarining oshishi bilan bog‘liq.
2024-yil uchun moslashtirilgan EBITDA 4.6 mlrd. AQSh dollarini tashkil etdi (2023-yilda 3.3 mlrd. AQSh dollari), bu 39,4% o‘sishni anglatadi. Oltin narxining o‘sishi xarajatlar ortishidan yuqori bo‘lib, EBITDA marjasi 62% ga yetdi (2023-yildagi 58% ga nisbatan).
2024-yildagi sof foyda 2.1 mlrd. AQSh dollarini tashkil etdi (2023-yildagi 1.5 mlrd. AQSh dollariga nisbatan).
Investitsion faoliyat bo‘yicha sof pul oqimi (CAPEX) 914 mln. AQSh dollarini tashkil etdi, bu 2023-yildagi 679 mln. AQSh dollariga nisbatan 34.6% ko‘pdir. Mablag‘lar mavjud konlardagi ishlab chiqarish hajmini oshirish va yangi konlarni geologik qidirishga yo‘naltirildi.
Kompaniyaning moliyaviy barqarorligi yaxshilanib, 2023-yil oxirida 0.7 barobar bo‘lgan sof qarz/EBITDA nisbati 2024-yil oxirida 0.5 barobarga kamaydi. 2024-yil 31-dekabr holatiga ko‘ra, NKMK qarz portfeli kompaniyaning 2024-yil oktabr oyida ilk bor muvaffaqiyatli joylashtirilgan 1 mlrd. AQSh dollari miqdoridagi xalqaro korporativ obligatsiyalarni o‘z ichiga oladi (ikkita 500 mln. AQSh dollarlik transh, 4 va 7 yillik muddatlar bilan).

PRESS-RELIZ

“NKMK” AJ Matbuot xizmati