“Fitch Ratings” xalqaro reyting agentligi “Navoiy kon-metallurgiya kombinati” AJning kredit reytingi bo‘yicha prognozni “barqaror”dan “ijobiy”ga o‘zgartirdi hamda emitentning uzoq muddatli reytingini “BB” darajasida tasdiqladi.

Agentlikning ushbu qarori O‘zbekiston Respublikasi suveren kredit reytingi bo‘yicha prognoz yaxshilanganidan so‘ng qabul qilindi.

Prognozning yaxshilanishi kompaniyaning barqaror moliyaviy ko‘rsatkichlari, mamlakat iqtisodiyoti uchun strategik ahamiyati, shuningdek, korxonaning kreditga layoqatliligi O‘zbekiston Respublikasining suveren reytingi bilan chambarchas bog‘liqligini aks ettiradi.

Reytingning “BB” darajasida tasdiqlanishi va prognozning “ijobiy” darajaga ko‘tarilishi xalqaro investorlarning kompaniyaga bo‘lgan ishonchi saqlanib qolayotganini hamda “NKMK” AJning moliyaviy barqarorligi xalqaro reyting agentligi tomonidan yuqori baholanayotganini tasdiqlaydi.

“Fitch Ratings” press-relizi:

https://www.fitchratings.com/research/international-public-finance/fitch-revises-2-natural-resources-uzbek-corporates-outlooks-to-positive-on-sovereign-action-17-06-2026

PRESS-RELIZ

“NKMK” AJ Matbuot xizmati