Navoiy kon-metallurgiya kombinati va uning tarkibiy bo‘linmalarida O‘zbekiston Respublikasi Favqulodda vaziyatlar vazirligi Akademiyasi huzuridagi Fuqaro muhofazasi instituti bilan hamkorlikda “Aholi va hududlarda favqulodda vaziyatlardan muhofaza qilish va fuqaro muhofazasi” dasturi asosida o‘quv mashg‘ulotlari tashkil etildi.

- Ushbu o‘quv mashg‘ulotlarida kombinat rahbar-xodimlari va mutaxassislari ishtirok etdi. Mazkur mashg‘ulotlarni tashkil etishdan asosiy maqsad - ishchi-xodimlar xavfsizligini ta’minlash, favqulodda vaziyatlarning oldini olish hamda davlat mulkini asrash bo‘yicha tayyorgarlik darajasini oshirishdan iboratdir. O‘quv jarayonida favqulodda vaziyatlarda tezkor harakat qilish, yong‘inni bartaraf etishda mehnat muhofazasi talablari va shaxsiy xavfsizlik choralariga rioya etish, jabrlanganlarni qutqarish hamda birinchi tez tibbiy yordam ko‘rsatish ma’ruza va ko‘rgazmalar orqali batafsil tushuntirildi. Mashg‘ulotlar hamkasblarimizning amaliy va nazariy ko‘nikmalarini yanada oshirdi, - deydi “NKMK” AJ Favqulodda vaziyatlar bo‘limi boshlig‘i Farhod Shodmonov.

Fuqaro muhofazasi mutaxassislari va xodimlari yo‘nalishida malaka oshirish kurslarida tayyorgarlikdan muvaffaqiyatli o‘tgan ishtirokchilarga guvohnomalar topshirildi.

“NKMK” AJ Matbuot xizmati